America Ral dohnak Lawng Lian USS Gerald Ford hi zei tluk in dah arak thawn le amin sul lam cu zei dah asi??

Gerald Ford timi hi 1913 July 14 ah chuak december 26 2016 ah athi mi 1974-1977 chung ah America president arak tuantu, Gerald Rudolf Ford Jr, min bun in tuah mi asi, mah bantuk in President hna min le Ralkap General min hna, tibantuk in USS tih hi cu “United State Ship” tinak asi, America Ral dohnak Lawng hi Class dangdang hna in then khawh asi, Ohio class asi ah cun Ohio lawng tiat khi asi, mah class dang dang hna cu Independent class, Nimitz class, Los Angeles class, Virginia class, Enterprise class, tiah anti mi hna le adang tampi a um rih ko chim dih zong ahar ko, Mah Lawng hna hi alian/Ngan ning cu “Nimit Class” antimi chung ah  Enterprise class, thlengter tu ding ah 1975 ah khan Nimitz lawng lian hmasa bik cu commissioned arak si.

2003 ah khan Northrop Grumman Newport News, hna cu contract pek an si, an engineer thiamtuk mi hna nih (design) tuahnak ca hmanh ah $ 1600 million leng adih an ti khi asi, Thir an hman ding mi hna le thil dang dang aher mi tete hna cu atha bik cem thilri hman ding ah tiah an timi asi caah part pkat longte hmanh ah tones 2000-3000 hna rit asi, (crane)  thil cawinak hna le welding rod ti bantuk an hman mi hmanh tones 3000 adih tikhi asi.Titanic lawng lian antuaknak thir cu cm 1.875 chah long te khi an hman inces khat zong tling lo, Gerald Ford antuahnak thir cu Inces 6 chah khi asi, Lawng hrennak Thir  anchor hi tones 13 le acheu asi, part dang dang hna antuah dih hnu ah $ 13,000,000,000 adih bak ko khah ropi taktak mi arak si ko.

Mah Lawng Lian hi ft 1092 asau, ft 256 akau khi asi, kan theithiamnak ding ah football field pathum peh nak in asau asi, achung ah hin Nuclear reactor pahnih bun asi, mah nih cun electric tha megawatt 190 hrawng an pek khawh tinak asi, Engine thawnning hi Rang 200,000 tha he atluk lai anti mi asi. Suimilam pakhat ah 30 km le 56 km thawng in akal khawh asi.A chung ah riantuantu dang dang hna le Pilot, Ralkap le rian dang tuantu minung  leh hna dang tuantu minung 5000 hrawng ngeih asi, mah nimitz class, lawng hi atu ah USA nih cun 10 an ngei khi asi aturu taktak ko, Ram sifak hna nih pakhat ngeih ding hmanh ah vawlei le van khi asi ko lai, anrak zohkhennak ding tangka dih mi zong amen lo, an tuah nak hi 2009 ah tuah asi, 2013 ah Gerald Ford ah fanu Susan Ford nih Christening khi arak si, 2017 ah cun commission arak si.

Atu kan chim lio Gerald Ford lawng hi, thir an hman mi vialte hi tones 100,000 atling deng mang anrak hmang, Ral dohnak lawng kantitik ah aphun atam tuk khi asi, nain kan chim tik ah Raldohnak Lawng tiin afawinak in chim khi asi, Ralpi ll lio ah  Japan Raldoh lawng minthang ngai mi  “Battleship” Yamato phun hna hi aropi taktak mi asi, atu ah an tuah ti lo kha bantuk Lawng kha.America lawng Iowa hna khi tones 40000 titanic lawng tiat hrawng khi asi, mah hna lawng chung ah khin thil tling te in chiah dih asi, Radar le khua dang hna zohnak tiang khi a um, Tu lio Raldohnak Lawng an tuah mi hi cu Thir chah ngaingai in tuah dih asi cang, Battleship, Warship, Aircraft Carrier, Cruiser, Frigates, Destroyer, Patrol Boat, mah hna vialte hi Raldohnak Lawng asi dih ko.

Battleship hna hi an lian ngai ve ko tones 10000 – 60000  tiang arak si, Cruiser hi, tones 8000-10000 hrawng asi, Destroyer hi tones, 3000-6000 hrawng asi, frigates hna hi destroyers hna tiat hrawng khi asi ve, Destroyer hna hi pakhat Football field nak in asau khi asi, Ralpi ll lio ah ram dang dang hna nih anrak hmang ngaingai mi Raldohnak lawng asi.Yamato lawng ah an hman mi bomb mitngei kantimi ( missile) tha ngainga mi hna khi asi, an kahnak ah an timhnak Target afuh catcat ko, map le computer he peh dih asi caah kan ral 10km thla ah um zong kah khawh asi, atu lio le bang cu 100km zong kah khawh asi ko cang.