America ram chung ah Mid term Election le America foreign policy chia tuk mi Biden Administration cu,
America ram chung ah Mid term Election le America foreign policy chia tuk mi Biden Administration cu,
American Politics boruak zong alang deuh deuh than ko cang, atu ah Mid term elections November 8 ah hram thawh asi than cang lai, thawng pang tampi hna hi, Democrats party pawl hi social media hna ah an au chuak tamtuk tawn khi asi, atu ah hin cun, an mah Democrats party chung hmanh ah hin, Millenial hna nih party hruaitu Upa tuk cang hi an neng ve tuk cang khi asi tlat, kum 70 cung lei asi cang mi hi ram hruaitu caah an duhtuk lem ti lo khi asi.
Democrats party chung ah kum upatuk rih lo ngakchia deuh mi hna nih, kum 70 cung lei hna hi thlen cang kose timi hi an duh cang, mah ruahnak vialte hna cu House Speaker Nancy Pelosi nih an support tlat lo khi asi, ‘change’ to the party’s geriatric leadership team is not possible ‘ tiah a ti piak ve bak khi asi, Nancy Pelosi hi kum 82 asi lio cang fawn, President Joe Biden zong nih 2024 ah seat cuh than a tim rih fawn, Mid term elections hi America ram chung Politics ah boruak ngeih ve khawh ngai ngai tawn khi asi, tu kum zong ah Democrats & Republicans ah senator icuh nak asang ngai ko lai.
Democrats & Republicans hna nih kum 2 chung ah hin bipartisan consensus 2 long Biden foreign policy ah an ngei khawh, a dang hna ah cun an lung arual ko, Republicans hna nih Biden an support nak cu, China & the Russian invasion of Ukraine ah, Republicans tam deuh hna nih Biden administration nih Ukraine an bawm ning ah duh tawk lonak an ngei ngai ko nain, Republican Party nih vote zong ah Biden foreign policy support lo lei in an vote tawn peng ko.
Midterm Elections ah hin Republicans hna nih cawlcang that an tim ngai ngai hna, kum 2 dang rak um than ding ah Biden administration’s agenda hi adang lam khawh men, achan cu an foreign policy ah hin, an mah party Democrats chnung hmanh ah duh lo tu an tam ngai khi asi cang, mahruang ah cun Biden dirhmun hi atha tuk lem lo khawh khi asi, Afghan ram withdrawal ruang ah bia tak tein anrak mualpho cang kha asi fawn tik ah, Biden hi an ral atha tuk ti lo khi asi fawn cang.
Mah lio ah Republicans chung ah Donald Trump caah, mi zumtlak taktak mi hna tampi arak zuang chuak cuah mah lio khi asi, Trump administration can lio ah vawi 2 bak impeachment buaipi nak ah, Democrats hna nih kum 4 chung can an hman mi kha Minority leader McCarthy nih a duh lo, nain Democrats pawl cawlcang khawh lo nak ding ah, points tampi hna cu an kut chung ah a um ko cang tiin, atu tan Mid Term Election caah hman ding kan ngei cang tiah McCarthy nih achim.