An hawitha bik fanu thihnak kong le August ni kul tiang ralkap le hriamnam dang dang hna an hrawh/chia cang mi ahnu bik thawng pang,

Russia President Vladimir Putin hawitha bik Alexander Dugin fanu Darya Dugin kum 29 cu Moscow khua pawngte Velyki Vyazomy khua pawng ah, a pa car, Toyota Land Cruiser Prado a mawng lio chung ah, bomb kam apuak ruang ah a thi tiah, Russian acoyah media TASS nih arak phuang asi tiin, Washington post nih arak langhter, Darya hi a pa he cultural festival hman mi asi, Darya pa Alexander Dugin hi, ‘Putin a thluak bawm (Putin’s brain),’ an timi le Putina zum bik mi asi, Acoayh ah sinak pawimawh an tlaihter lo hmanh ah, prominent ultra-nationalist idealogue asi, Russia nih Ukraine a thuatnak ah tha tiah support tlattu kha asi.

Alexander Dugin hi a fanu he cultural festival-ah hin an kal hna khi asi, Tlunti ding ah an tim lio ah apa hi motor dang ah a kir daih asi ruang ah a him mi asi, Putin hi cu akal nak ding hmun hma hna hi thla 2 chung security hna nih an um hnawh hna pin ah thil hlatthlai peng ki asi, akal deng mang ah hin Security report pek an zoh hnu long ah kalter khawh asi tawn.

Russia motor tampi kah chiat asi, Ukraine Armed Forces report ning in 79th Mykolaiv Brigade ah Airborne Assault Troop nih Russia ralkap-hna cu anrak thuat ngai ngai rua, Kyiv khuapi pawng ah tanks tampi an zam tak khi asi, nizan ah motor an kah chiat piak mi pakhat chung ah ralkap acit mi hna cu, adih lak in an thi tiah report ah langhter asi, Russia nih an ralkap tampi hna nunnak hi saram bantuk in maw an ruah hnga? hramhram in an kalter khi asi, an ralkap tampi hna nih ral ram ah kal hi an duh lo ngai ngai tawn tiah Ukraine nih an tlaih mi Russia ralkap pakhat nih atu bantuk in achim mi asi.

Tukum Febuary 24 to August 20 kar lak ah Russia tuarnak sungnak vialte hna cu:-

1) Ralkap thi cang: 44,900.

2) Tank hrawh/chia cang: 1,907.

3) Motor hrawh/chia cang: 4,212.

4) Artillery system hrawh/chia cang:1,018.

5) Multiple launch rocket systems le equipment dang hrawh/chia cang: 266.

6) Helicopters hrawhchia cang: 197

7) Automotive technology hrawh/chia cang: 3137

8) Cruise missiles hrawh/chia cang : 190

9) Unmanned aircraft hrawh/chia cang : 803

10) Air Defence systems hrawh/chia cang : 141

11) Planes hrawh/chia cang : 234

12) Special Equipment’s & othars hrawh/chia cang :101

13) Ships/boats hrawh/chia cang : 15

Nizan chun suimilam 12:00 hrawng ah khan Ukraine Air Command Centre nih Russia Unmanned aerial vehicle 2 an kap chia fawn, cun Kalibr missiles 4 an kap tla fawn, President Joe Biden nih Ukraine sin ah hriamnam tha pek than ding ah (surplus) sign cang fawn, mah an pek ding mi chung ah HIMARS ah hman ding equipment tampi a tel, 105 mm artillery round 16, Scan Eagle unmanned aerial systems 15, MaxxPro Mine Registant Ambush Protected Vehicles with mine rollers 40, Additional High Speed Anti-Radiation le Javelin Anti-Armor round 2,000, Night Vision devices, thermal imaginary systems, optics le laser range finders hna an tel dih fawn khi asi.