Atu tan Myanmar nih UN permanent ai awh U Kyaw Moe Tun an pawm rih, Taliban le Myanmar UN aiawh ding ah an pawm rih lo nak chan??

UN Permanent aiawh caah CRPH lei U Kyaw Moe Tun cu UN nih apawm piak rih asi, The Pyidaungsu Hluttaw Representative Committee (CRPH) nih cun December 2 ah khan cathanh tuah in UN Credential Committee nih Myanmar ram mipi caah, minung diknak covo hi ngai pawi mawh asi caah, United Nations ah Myanmar aiawh fek ngeih ding thimnak kong ah, biachahnak tuah ding ah hin an tar lan ning ah cun The United Nations Credentials Committee nih United Nations-ah Myanmar ram caah aiawh fek ngeih ding ah biachahnak a um hlan cu, UN Permanent Representative caah CRPH lei U Kyaw Moe Tun cu, aiawh peng rih ding ah pawm piak rih asi lai.

Afghanistan ram ah nawlngeihnak laktu Taliban acoyah le Myanmar ram ah Military Council acoyah hna nih United Nations ah an aiawh caah, an timi hna cu biachahnak a um lo ruang ah zeihmanh chim ding an ngei lo veve khi asi pin ah ning zak ngai in an um tiah news report ah langhter asi, CRPH nih cathanh an tuah nak ah Myanmar military council nih UN aiawh ding ah an thlah mi hna cu, United Nations nih an hnawn piak rih ruang ah, UN Credential Committee chairman cung ah Myanmar ram mipi aiawh in lawmnak bia achim ko tiah ati, 76th UN General Assembly nih pawmpi khawh ding ah Myanmar mipi hna duh ning mi cu ngai pawi mawh ding ah CRPH nih UN an nawl fawn khi asi.

Atu bantuk in Myanmar ram nih can harsa ngai ngai an ton cuahmah lio ah, Ambassador Kyaw Moe Tun cu permanent representative to the United Nations caah, nan chiah hrimhrim ding ah beisei asi an ti fawn, UN Credential Committee nih Taliban nominee, Sohail Shaheen le Myanmar Military Council acoyah nominee ralkap officer hlun Aung Thu Rein hna cu, UN aiawh caah an halnak cu December 1 ah khan an pawmpiak duh rih lo khi asi, zei asi zong ah ning cang lo in adir mi Military Council acoyah aiawh cu, member 193 umnak UN General Assembly ah hmuh asi rih lai lo khi asi, an sualnak man an hmuh veve asi ko cu aw.

Taliban le Myanmar ralkap hna cu UN seat an pek duh rih lo,

3rd December 2021 United Nations Accreditation Committee nih, Taliban le Myanmar ralkap (military Junta) hna seat halnak cu an pawmpiak duh lo khi asi, UN committee hi wednessday ah khan ngeih asi, Afghanistan-ah Taliban hruai acoyah le Myanmar-ah ralkap acoyah aiawh ding kong ah UN aiawh chiah ding hi chim le ceih piak an duh rih bak lo khi asi, Afghanistan le Myanmar ambassador tuan lio cu an ram aiawhtu caah hin pawm asi lai maw timi hi fiang in chim a um lem lo khi asi.

Mah biachahnak ruang ah hin Islamic Emirate of Afghanistan le Myanmar ralkap acoyah nih, member 193 umnak world body-ah hin seat an ngei ve khawh rih lai lo khi asi, Taliban nominee Sohail Shaheen-nih Afghanistan mipi hna nih cun, an zalonnak hmu ding ah an beisei le UN-ah aiawh ngei ding ah diknak an ngeih kong a chim, Myanmar ralkap acoyah nih hin veteran Aung Thurein cu UN aiawh caah hin an nominee ve khi asi, mah caah cun Taliban le Myanmar nih UN aiawh ding ah an ngei kho rih lo veve tianak asi, Myanmar belte cu CRPH aiawh ding cu pawm piak khi asi deuh ko caah lawm um tuk khi asi.