Aung La Cu A Sung Diam e (A Poi tak tak)

A poi kho taktak si. Aung La N Sang cu a phomh pi mi Reinier nih ningzak ngaingai in a tuah. A round khat nak minute rau lo te ah Ridder nih hin knockout bak in a tei colh, Champion lio a si bantuk in mi tampi thinlung ah ruahchan nak a um ngaingai asinain vanchia ngaingai in a sung colh. Hmai lei tu ah teinak a co than khawhnak hnga thazaang pe cio hna usih.

Tutan aa phomhmi hna hi Burmese Python le Dutch Knight ti zong i kawhmi Reinier hna an si. Ridder nih hin Aung Lah hi a ngamh tuk. Ka tei hrimhrim lai tiah a chim. Aung Lah belte nih a chim sawh sawhmi a si. A chimmi hi amah hmanh nih a zum lo tiah a chim. Reinier bantuk in Aung Lah Confident taktak bia a chim ngammi hi an um rih lo ti a si. Aung La challenge a tuah bak tu zong a si. Aung La belte nih aho hmanh ka belt hi ka pe lai lo tiah a chim ve. Reinier hi kum 5 a si i hibantuk lei ah a phomh tawnmi a si.

Aung La N Sang hi Kawlram mi, American zong a si mi a si. Kum 35 a si cang. A rihnak (Weight) hi 92 kg (205 lbs), a san lei 6.1” (185cm) a si. Light Heavy Weight ah aa phomh tawnmi a si. Aung La nih teinak hi voi 26 a rak hmuh cang. Sungh hi voi 10 a ngei bal ve cang. Knock Out bak i a teimi hna hi minung 12, Submission (a sung khan) in minung 12 cun nawlneitu hna biakhiahnak (Decision) in minung 2 an si. Teinak 26 le sungh 10 hi official a langhter ning a si. A record hi a chia lem lo. A tha ngaimi a si ko.

Reinier De Ridder timi pa hi Netherlands ram mi pa a si i The Dutch Knight ti zong in kawhmi a si. Europe ram i a ummi ram pakhat a si. Annih hi kum 30 a si. A rihnak (Weight) hi 185 LBS ( 83 kg) a si. A tung san lei hi 6.4” (193 Cm) a si. A teimi (win) hi minung 12 an si cang. Knock Out 3, Submission 8. Decision 1 an si. A men ve lo ngai. Zeidek thaizing a lawh te hnga. A umnak category hi Middle Weight a si ve. Aung La maw teinak hmu le Ridder timi belte kan chim kho tuk lo.

Aung Lah N Sang tuanbia tawi.:-

One Middleweight le Light Heavyweight World Champion asimi Aung La N Sang hi kawlram ah a chuakmi asi i 2003 i United States ah ai thial hlan, Yangon i sianginn a kai lio ah hin lentecelh nak lai hi a rak zuam ngaingaimi asi. US i ai thial hnu, Michigan um Andrews University ah Agriculture Science a cawn lio ah hin a tu i a rian hi cawnnak a rak tuah lengmang cang i Martial arts lei ah kar a hung hlang.

A sianginn kai ai liim in ramchung hmun dangdang a tlawng i mipeem zohkhenhnak rian a tuan. Asinain cu a rian cu a chiah than I martial arts lei ah a nun hmang ding in biachahnak a hun tuah than. Aung La N Sang nih a thiamnak hi 2005 ah khan a rak hman cang i tlawmpal ah a thiamnak le thawnnak nih a min a hun thanter i “The Burmises Python” tiah minkeem tiang a hun ngeih hi asi. Hawi he ai phomh I a teinak a hmuhnak paoh hi zoh tik ah pahrawng a ngeih bakmi asi ti a lang lengmang.

One Championship ah hin 2014 ah min a rak thut i Aung La cu kum hnih a rauh hnu ah Kawlram ah a rak kir. Cu ka ahcun teinak a hmuh i miphun caah hero ah a hung cang. Asi nain Kawlram pumpu caah hero a hung si a langhnak cu June 2017 khan ai thok ti khawh asi.

Vitaly Bigdash a hun tei caah ONE Middleweight World Champion a hun co, rampi caah teinak a kan hmuh piak an ti caah rammi zapi nih an thangthat. 2018 ah khan Alexandre Machado cu knockout in a hun phomh than I ONE Light Heavyweight World Championship a hun co than.