Australia-nih Israel khuapi Jerusalem ah pawmpi nak cu a withdraw than,
Australia acoyah nih cun kum 2018-ah an ram prime minister hlun, Scott Morrison hruai nak acoyah nih, Israel ram khuapi caah, West Jerusalem a pawmnak cu a withdraw than tiah a chim, Foreign minister Penny Wong nih mah kong ah hin, cathanhnak tuah in, Jerusalem status cu Israel le Palestinian mipi hna, iremhnak tuah ding ah ibiakchawnhnak an ngeih in, tuah fel ding asi tiin achim, acoyah hmasa biachahnak arak tuah mi cu, wikthdraw than asi tiah a chim.
Wong nih Australia embassy zong Tel Aviv-ah chiah pengrih asi lai ati, Israel le Palestinian ram pahnih dir cu Australia nih a duh a mi asi ati, mah hi tlamtlingter ding ah hmalaknak cu, an support peng lai tiah a chim fawn, Israel le Palestinian-hna iremnak tuah tim ah hma an lak nak ah, Jerusalem kong hi buaipi herh mi pakhat asi, Israel nih Jerusalem khuapi pumpi, khuachak lei zong huam tel dih in, a ram khuapi ah a ruah, mah lio ah hin Palestinian lei nih cun, Palestinian ram a dir hnu ah Israel-nih umnak ah ahman lio, East Jerusalem cu an ram khuapi ding in an ti ve fawn.
Israel prime minister Yair Lapid nih Australia acoyah biachahnak cun a soisel ve cawlh, biachahnak atuah mi atuantukrih tiin a chim,”Thil dang cu Australia acoyah nih hin bia tak tein aruah kan beisei” a ti, “Jerusalem cu Israel khuapi a si, asi peng ko lai, zeihmanh nih adawn khan khwah lai lo” tiin Israel PM office cathanh nak nih an tar lang, Israel foreign ministry zong nih an ram ah, Australian ambassador auh in, an lungawi lo nak kong a chim piak fawn.
Mah lio ah hin Palestinian lei nih cun, Australia acoyah thiltuah cu an lawm ve fawn, Palestinian Authority civil affairs minister, Hussein al-Sheikh nih,”Jerusalem kong ah Australia biachahnak tuah mi le two-state solution tuah hrimhrim aduh kong a chim mi cu lawm umtuk asi ati, US President hlun, Donald Trump nih Jerusalem cu Israel khuapi ah pawm in, Tel Aviv lei in US embassy athial hnu ah khan Australia PM hlun Morrison zong nih Jerusalem hi Israel khuapi tiah a pawmpi kha asi.