Biden caah cun thinphang ngai si cang, A hnu zul Pa nih corona virus zawtnak a ngei

Biden sin khual lam kal ve mi Pressmi pakhat cu tuni ah corona  angei tiah Biden team lei nih an chim. Biden he neih niam tukin an um caah Biden ca zongah thin phang ngai si. Hi bantukin thil a cang caah Biden sin kal ve mi staff vialte Quarantine dih an si. zawtnak ngeimi zawng a rian in ni zeimawzat cu dinter asi fawn tiah fianternak an tuah fawn.A ra laimi senate thimnak ding caah campaign dingin a kal tikah Biden hi press nih an zulh ve. A zultu hna lakah pakhat cu vanchiat ah corona virus a rak ngei. “ mah kong kan theih cang ka in a rannak in contact tracing tuah cawlh asi, Biden sinah a tlawngmi asi nain, Biden he neih niam tukin an um hraw lo. cu pinah mask an I vuah ve ve caah Biden caah cun tihnung asi tuk thenglailo” tiah an chim.

Biden phoih lei biachimtu nih cun biden staff pakaht, reporter pawl he neihniam ngaiin a um mi nih corona zawtnak a ngeih tiah an langhter. Hi bantuk thil a cang caah Kum 78 upa President elect caah cun thinphang ngai asi. Dr. Anthony Fauci, the director of the National Institute of Allergy and Infectious Diseases (NIAID) nih cun tuzarh ah khan “Biden le Kamala Harris nih hin runvennak caah Corona vaccine hi a rannak in an lak a hau. Pek khawh asi tikah cun a rannakin pek an si lai” tiah ralrinnak bia a chim ve. Credit: Fox News

Relchap:-US ah Covid-19 biatak tein a Zual 

Coronavirus zawtnak cu khuasik lei kan panh caah a zual chin ti a si. Tuchun tiangah minung 307,770 an thi cang. John Hopkins coronavirus map ah tulio sizung ummi 113,069 an si a ti.

US state 50 chungah a zual biknak hmun cu Alaska, Arizona, California, Colorado, Delaware, Idaho, Kansas, Louisiana, Maryland, Minnesota, Mississippi, Missouri, Montana, Nevada, New Hampshire, New Jersey, New Mexico, New York, Oklahoma, Pennsylvania, South Carolina, Vermont le Virginia an si. Buaktlak in nikhat ah 2500 an thi. Tuchun lawngah minung 3600 an thi tiah report an pek. CDC hruaitu Dr Redfield chimning ah tu hnu thla hnih chung hi biatak tein kan iralrin a herh a ti. Pfizer nih an serchuahmi i khamhnak sii cu an chunh lio hna a si. Healthcare worker le senior citizen pawl an chunh hmasa hna. Source: Salai Lairamthang