Biden fanu “First Daughter’ si te dingmi Ashley Biden hi ahodah a si?.

Tutan US ithimnak ah Biden hi a tling lai ti hi zumh cia dih a si cang. President a sinak taktak belte hmaikum 2020 January 20, lawng in aa ot lai. Cu hlan paoh cu Donald Trump peng a si rih lai. Tutan ah Trump cu a lung dong lo, asinain thil hi aduh ning in a kal ti lo. Biden hi duh zong duh lo zong ah President thar si dawh in a lang cang. Trump belte a lung a tling lo tak tak. Tutan Biden President thar a si tik i White House i kan hmuh peng ding le January 20, US President ca i biakam tik i kan hmuh dingmi Biden fanu kong hi kan theih bal dek maw?

Biden President a si a fanu zong vawleicung le American mipi nih First Daughter ti a si ve cang lai. Trump fanu Ivanka Trump aiawh tu a si ve lai. Biden fanu, First Daughter si ding i ruahmi nu hi a min ah Ashley Biden ti a si. Annih hi Biden fanu 2 nak a si. Biden fanu hi atu a nupi Jill Biden he an hrinmi a si.

Biden fanu 1 nak cu Naomi a si i Biden nupi hmasa Neilia hna he cun 1972 kum khan car accident in mual an liam. Cucaah Ashley Biden hi First Daughter dirhmun ah a hung dir. Cun Biden nih hin atu a nupi Jill Biden hi 1977 khan a thit. Ashley Biden hi 1981 kum khan a rak chuak ve.

Ashley Biden hi mithang pawl bantuk le mirum pawl bantuk ngai ngai in thei le a cawlcangmi a si lo. Annih hi University of Pennsylvania, School of Social Policy and Practice in MA a dih. American social worker, activist, philanthropist, le fashion designer a si.

Executive Director rian cu Delaware Center for Justice ah kum 2014 in 2019 tiang a tuan. Tutan ah Biden President taktak a si tikah January 20 khin President biakamnak tuah tikah kan hmuh khawh te lai. Trump fanu Ivanka chawngtu ding ava si te lai.A pasal hi Jewish Pennsylvania doctor a simi, Jews miphun a si.