Biden Le Pope Nih Ralzaam Kong An Ceih.

Pope nih Biden cu US President i Media nih a tling tiah an phuanmi cu lawmhpinak a chim ve. Pope nih hin lawmhpinak ah an i chawn. Thursday morning khan Biden le Pope cu an i chawn. Pope hi tutan US ithimnak i Biden a lawmhpi tu a hnubik a si. Russia le Tuluk belte nih zeihmanh lawmhpinak an langhter lo. Phung le tazacuai zeihmanh a dih rih lo tiah an ti i an dai. Hmanthlak pawl hi 2016 kum hrawng ta a si.

Asinain Pope nih cun Biden hi lawmhpinak a langhter. Biden hi Catholic a si i, tutan ah President a si ahcun US President RC a simi a vohnihnak a si lai. RC a simi US President hmasa bik kha Democrat lei thiam thiam John F Kennedy a si. Biden hi RC a si ve tikah Pope he hin a rak i kawm ngai bal cangmi an si.Biden nih hin Pope sin ah thluachuah a pekmi le lunglawmhnak bia a chimmi ah lawmhnak bia a chim chin. Biden nih cun mi zapi caah rianttuan, mi sifak , climate change kong, refugees le ralzam pawl caah lunglawm tein rianttuan dingin a langhter ve. Atu tiang cu Biden hi President tak tak a si rih lo. Asinain President ding i zumhmi a si cang. Minung ruahnak lei cun Trump cu zumh a si ti lo. Asinain zeihmanh chim taktak khawh dih a si thlu lo. Source: Daily Mail

(Mah capar hi van rel chap) Trump nih tunai te khan Vote an delete piak nak kong cu a facebook ah a van share than cang. American Broadcaster simi Chanel Rion, OANN nih Dominion pawl nih Trump Vote an delete mi kong cu mah ti bak hin a chim cang.

American Broadcaster simi Chanel Rion, OANN nihcun mah ti hina chim, “Dominion pawl nih a pumpuluk ah Trump Vote 2.7 million bak cu an delete piak dih. Data nih a zoh fel hnu ah Pennsylvania i Trump vote 221,000 bak cu Biden Vote ah an kal ter dih. Trump vote 941,000 vote bak an delete piak. Dominion Voting System a hamngmi pawl nih Trump vote 435,000 bak cu Biden vote ah an kal ter dih.” tiah a chim

(Mah capar hi van rel chap) US THIMNAK A BUAI TAWN KO

US hi Independent ram an si nak kum 244 a si cang. Kan nih Chinmi belte Independent cu chim hlah kan ramri tu Kawl pawl nih an kan deet chin lengmang.

US hi Vawleicung Democracy ram pa bik zong a si. Kum 200 reng lo Democracy uknak in ai hruaimi le thimnak a tuah cangmi an si. Phunghram (system) ṭha tuk le fel tuk a ngei/hmangmi zong an si caah zei tluk i buainak a chuah tawn zong ah fawite in a daihter kho tawn mi ram a si.

Tu kum President thimnak zong ah atutiang vote relmi result an phuang kho rih lo i a buai ngaimi a lo. Ningcang lo in vote thlakter mi le vote relmi tbt. (fraud le irregularities) a um ti an zumh caah President Trump campaign team nih state 4 ah lawsuits (legal challenge) an tuah. Georgia state lebang cu vote thlakmi vialte kut bak in an rel ṭhan hna.

Tu kum bantuk in US thimnak ah hi bantuk buainak phun hi a rak um pah lengmang. Kum 1876 i Rutherford B. Hayes le Samuel Tilden an rak i zuam lio zong ah Florida, Louisiana le S. Carolina ah electoral vote kong ah an buai i court ah an phanh pi. Hi buainak ruang ah Congress nih Election Commission Act zong an ser (passed) nak a ruang hi si.

Kum 2000 i George Bush le Al Gore an i zuam lio zong ah Florida i an vote hmuhmi si tluk tuk caah legal challenge (lawsuit) hi Al Gore lei team Democrats nih Court ah lawsuit an chiah/file ve.

Hlan i US president thimnak an buaimi, court i tazacuai nak (legal challenge) voi 2 a um cang mi ah cun ELECTION RESULT hi ai thleng lo. Teitu i an phuanmi nih an tei thai i President zong an si thai ko. CUCAAH, President-elect Biden zong hi 46th US President a si ko lai ti hi 100 ah 90 cu zumh a um.

Atu i court i tazacuai nak (lawsuits) an tuahmi hi US phunghrampi hrimhrim nih a onh mi a si i US thimnak hi dik lo le ningcang lo i tuahmi a um le um lo hlathlai hrimhrim a herhmi si i hmailei thimnak a um ṭhan lengmang ding ca hrim ah a herhmi si. Trump team nih court i legal challenge an tuahmi hi a fiang ko mi a cohlang duh lo tiah an supporters tiang in sual puh len ding an si lo.

State kip nih mahle state cio election result hi December 14 hlan ah certified an tuah dih lai, cun electors zong an thim hna lai i electoral vote hi Congress nih January 6 ah approved an tuah telai i cutik ah President thar cu January 20 ah biakamnak (Oath) tuahter a si te ko lai. Hngangam tein khi casn khi hngak ko hna usih.

Credit : The Chin Voice