Biden nih President ka si nikhatnak bakah ka tuah cawlh lai tiah Mipi Bia a kamh mi Phun 7

President elect joe biden nih campaign a tuah lioah mipi sin biakam tampi a rak ngei. A policy le biakam hna hi Trump policy kal deuh mi lawng te an si. President caah fehternak an tuh dih bakin ka tuah cawlh lai tiah a chimmi phun sarih langhter a si. DACA bill congress ah kuat cawlh ding: Nikum June thla ah khan president elect Joe biden nih campaign a tuah lioah DACA Bill hi a rannak in congress ah kaut cawlh asi lai tiah a rak chim.

Phungninglo in US ah a pem mi a phanmi chungah khin millio 11 hrang nih document tlamtling an ngei rihlo. A Rianrang nak in mipem kong hi kan tuaktan lai i, US khua minung an si khawhnak lam fakpi in kan tuaktanlai tiah a rak chim. Trump travel ban ka hrawh cawlh lai: Biden campaign auh hla bik cu trump policy hrawh as ikan tiah cun kan palh tuk thenglailo. Campaign a tuah lio ah trump nih US ram kal a sianlo mi ram 13 hna cu president ka si bakin dawnghter cawlh a si lai tiah a rak chim theo.

Trump nih US ram luhter a rak sianlo mi hi Muslim tamnak ram an si. Muslim ban tiah Trump huatu hna nih an serleih in an auh tawn.Paris climate change agreement ah luh than: Donald trump nih 2017 ah a rak chuahtak cangmi Paris Climate Change Agreement ah US  a tel khawh than dingin executive order ka chuah cawlh lai tiah President elect nih mipi sinah biakamnak a tuah.

Trump nih cun paris accord hi US caah thathnem santlaihnak pakhat hmanh a umlo, a US caah a hmanlo le diklo tuk asi tiah a rak chim bal.Trump Asylum rikhahmi dawngter asi lai: Trump nih asylum um ding ri a khiahmi hi president ka tuan nikhatnak ah executive order ka chuah cawlh lai i, ka remh than lai tiah a chim fawn. HI kong he pehtlaiin Biden nih cun mipem nghakchia hna an zohkhenh ning le runvennak an pekmi hi a tlawmtuk tiah a rak chim bal cang.

Mirum hna sin in tax tam deuh ka lak lai: October 2019 ah khan Biden nih cun trump nih tax a lak ning hi ka dawnghter lai. Mirum hna sin in tax tam deuh kan lai lai. Tax code diklo le thalo kan hloh dih lai i, tangka rak lutmi hna cu US hmailei caah invest asi lai tiah a chim fawn. Oil and gas zulh phung tha deuh ka ser lai: Biden’s campaign website nih cun president elect hi president asi nikhat nak bakah Oil and Gas zulhphung tha tak tak hman nak ding executive order  a chuahcawlh lai tiah an langhter. Order tuah an timhmi nih a timh cem cu Oil le Gas nih Boruak an hmawmhtermi ri khiahpiak a si.