Biden Office a Luh bak in Obama nih a Tuah bantuk in a Tuah Colh

President Biden nih white house a luh bakin white house chungah ah kum tamtuk an rak chiah cangmi UK prime minister Winston Churchill Lim a hlon cawlh. Churchill Lim hi President khan Oval office ah chiahmi asi. Washington Post nih a langhter ningah Oval office hi President Biden nih a luah bakin a muisam thlen dih asi, Lim an chiahtawnmi zong a umtilo tiah a chim. Mah lioah Cesar Chavez le Martin Luther King jr Lim belte cu a um rih ko.

Kum 2001 ah khan kha lio i UK prime minister Tony Blair nih cun W. Bush sinah Churchill Lim a chiahter. Kum 2009 ah Obama nih white house a luah cangka in Churchill Lim hi hmun dang ah a chiahter cawlh. Hi lioah hin sawiselnak tampi a rak chuak. Boris johnson mah lio i London Mayor rak simi zong nih faktukin Obama arak sawisel ve.

Cuticun President Trump nih nawl ngeihnak a lak hnu in Churchill Lim hi Oval office ah a luh than i, kum 2017 lio ah UK prime minister he meeting an ngeih dih in Lim pawngah hmanthlaknak zong an rak ngei.

Trump nih cun press pawl sinah Winston Churchill cu tihzahnak he kan luhter than tiah a rak chim.Kan theih bantukin UK-US pehtlaihnak thatter hi UK caah a herh tak tak. A ruang cu UK hi Eropean unoin in a chuak cang. hawikom tha ngeih a herh cingling asi. Biden tangah hin zeitindah pehtlaihnak an ser khoh lai timi cu mipi nih zoh cio mi asi.