Biden US President a si Ni Thok in Muslim ram tampi US an Luh Khawh nak Serpiak Colh an Si Lai

Biden nih US President in  Office a luh Ni Bak in Muslim ram tampi US luhnak nawl a pek lai: Kan chim theu a tak tak ah van cang than cang. Biden US President thar ca i thim a si Ni thok bak in Trump nih Muslim ram cheukhat US luh a sianh lomi cu Biden nih hrawh dih aa tim. Hi kong hi news tampi ah langhter a si cang. Biden nih hin Inauguration Day ah hi thil hi tuah aa tim. Office a thut bak in Muslim pawl cungah thil tha a tuah lai.

Biden nih hin hi thil hi amah US President nawlneihnak (Executive order) bak in Trump nih a rak tuah ciami hi hrawh dih aa tim.Trump US President a si in Muslim ram tampi cu US ram luh sian a rak si lo. A ruang tampi cu Muslim pawl hi ralhrang tampi an um caah a si. Trump nih cun fawi tein US ah Muslim ralhrang nih thil thalo an tuah nak hnga lo phunglam fek taktak a rak ser i Muslim ralhrang US an luh ngak hnga lo, Muslim ram tampi US luh a rak sianh lo.

Cun hi lawng si loin Trump nih a rak khammi le a rak duh lomi thil dang dang Paris Climate Change accord le ram chung pem luhnak phung(immigration legislation) tampi zong remh dih aa tim. Muslim ram cheukhat US luh sian lonak phung hi Supreme Court tiang 2018 khan ceih khan a si. Trump nih cun a duh bak lo. Asinain Biden nih cun US President a si bak hin Trump thil tuahmi hi hrawh dih aa tim.  Source: Aljazeera