BREAKING NEWS: Nancy Pelosi nih Trump hi US President aa zuam khawh ti nak hnga lo President nih Phuah Law Law a Timh

Democrat pawl nih US Vice President a simi Mike Pence cu US phunghrampi 25 Amendment hmang dingin nawlnak an langhter cang. US phunghrampi 25 th Amendment hi Mike Pence nih a hman ahcun Trump hi a tu bak ah US President le a office in chuak colh ding a si. Democrat a hruaitu nubik Nancy Pelosi nih hi thil hi a chim. Trump nih hin thil tha lo tam tuk an tuah khawh rih tiah an ti. Cucaah Trump hi tlau ter zokzok an duh.

Mike Pence nih hi thil hi a tuah lo asi ahcun Trump hi President in Phuah law law dingin cawlcangh hram kan thok lai tiah a chim rih. Congress ah hi thil hna a tla dingmi tam tuk an um tiah Nancy Pelosi nih a chim fawn. US President phuah law law (impeachment) a si ahcun Trump hi President aa zuam kho ti lai lo. Nancy Pelosi nih a phan mi cu Trump hi tutan US Capitol buainak ah amah le amah aa ngaithiam lai ti a phang tuk. Trump hi US President in phuah i a ralaimi US President izuamnak ah itel khawh ti lo kha an duhmi a si.

Trump hi amah le amah aa ngaihthiam lai ti an phang tak tak. US President hi mah le mah ingaihthiamnak nawl an ngei. Trump belte nih cun zeihmanh palhmi ka ngei lo asinain keimah le keimah kaa ngaithiam kho tuk ko tiah a ti ve. Cucaah Democrat nu bik Nancy nih Trump hi a tu bak ah Office in chuahnak tuah seh tiah Mike Pence a nawl. Cu a si lo cun Phuah law law in President zeitik hmanh ah izuam kho ti l o dingin kan cawlcang lai tiah a ti hi a si. Source: Daily Mail