BREAKING NEWS: TRUMP le Georgia Secretary of State a Simi Pa Phone Call nak Langhter a Si

Trump cu Democrats lei in soiselnak fakpi a ton than. Zahan tihni khan Washington Post tadinca nih fiang ko in Georgia nawlneitu hna Governor le Secretary of State phone call in a soiselnak le a thangchiatnak a langhter hnu ah a si. Trump cu Biden le Kamala teinak an hmuhmi cu hramhram in US phunglam kalh in tlau ter an timh tiah sualpuh a si. Trump nih hram hram in teinak hmuh aa tim tiah sualpuh le soisel a si.

Report nih a langhter ning ahcun Trump nih hin phone call ahcun a chim ‘ Cucaah zoh uh, Tuah ka duhmi cu hihi a si, Vote 11,780 hmuh ka duh, hihi kan hmuhmi a si ko, a ruang cu teinak hi State ah kan hmuh caah a si. Georgia mipi hna cu an thin a hung, US ram mipi pawl an thin hung, A zei ti hmanh in hi thil hia si kho lo. Vote thong tam tuk in kan tei hna  tiah phone call ah a langhter.

Hi kong he pehtlaiin Vice President elect Kamala Harris nih Trump cu fak tak tak in a phomh, US ithimnak le phunglam kalh in riantuan ah a puh.  Kamala nih cun ‘ Trump lungrawhnak au aw rawl a si’ tiah a chim. Tulio cu hi thil nih US media le vawleicung media ah a khat. Source: Daily Mail