BREAKING NEWS: TRUMP nih Impeachment an tuah hnu ah Biacah a Chim Ve Cang (VIDEO)

Tuni ah Trump cu House nih President rian in phuah dingin hnatlaknak an tuah hnu ah Trump nih a umnak White House i Oval Office in biacahnak a ngei. A chimmi hi tutan US buainak kong ah a hmuh ning tak tak a si. Trump chimmi tha te i ngaih cun a rak palh hrimhrim lo ti theih khawh a si. A chimmi le video link zong tanglei ah um lai.

Tuni khan Trump impeachment an tuah hnu hi bia a chim hi a si. House lei in cun US President in phuah dingin hnatlaknak tuah a si cang. Republican minung 10 nih phuah dingin hnatlaknak an bawmh ve. Tutan hi a voi khatnaka si lo a voi hnihnnak a si. Senate belte hi biachanhmi hi hna a tlakpi lai maw timi a um rih. Asinain Senate nih cun hna a tlakpi lai ti zumh a si lo. A ruang cu Democrat le Republican minung pawl hi 50,50 an si i Trump President i phuah dingin cheu thum ah cheu hnih bak nih hnatlak ta a hau.

Trump cu House lei nih phuah ding i hna an tlak pi hnu ah hi video hin biacah a chim. Hi ti hina chim;

“ American ka dawtmi hna kan hnu zarh i buainak kong ah biachim ka duh. Kan hnuzarh i US capitol i thil cangmi kha poi tuk ka ti i thazaang ka pe lo. Thahrum i cawlcanghnak le buai i thil hrawhnak hrimhrim hi kan ram le kan cawlcanghnak  ah hmunhma a ngei lo.  Making American Great Again nih  a dirpi zungzalmi hi Phunglam ning (rule of law) kilven hi a si zungzal.

Cun, US Ralkap le US ram vengtu Law enforcement pawl thazaang pek hi a si. Cun kan ram nih hlan lio in a rak kalpi mi zumhnak cawisan kha a si fawn. Keimah thazaang a ka petu tak tak nih cun ramkhel ruang i thazaang i buainak hi tha a pe lo. Keimah thazaang a ke petu tak tak nih Law enforcement le kan American Flag hi upat lo in a um lo. Keimah thazaang a ka petu tak tak nih a American hawi buainak, hrocer le hnahnawhnak a pe lo.

Hi thil hi na tuah a si ahcun kan dirpimi kan movement thazaang na pek lo a si. Buainak chuak ding tu na pek a si i kan ram ah buainak  na tuah khi a si. Hi thil hi kan cohlang kho lo. Covid ruang ah kan liamcia caan ah kan ram nih buainak tampi a ton. Lamzawhnak le thilri hrawhnak tampi kan ram ah a chuak. HI thil hi a dongh awk a si. Democrats na si pek ah Republican na si pek ah hi thil hi adongh awk a si.

 American hi Phunghram tang i fek tein  a dirpi Ram a si. Kan hnuzarh i buainak a chuahpi hna kha Beiceihnak hmai ah chuahpi an si hrimhrim lai. Cucaah kan dirpimi a dirpimi hna nih atu ahcun kan thinhunnak maw lungfahnak kan daiter ding a si cang. Daihnak kan ram i a umnak hnga kan i zuam awk a si cang.

A ralaimi zong ah duhlonak lamzawh phun tampi um dingin hmuh chung a si. Asinain buainak le thazaang i cawlcanghnak thazaang kan pe lo. Phunglam tang ah daihnak he lawng tuah ding a si. US phunghram tang ah duhlonak langhter cu nan covo a si. Asinain thazaang in a si lai lo. Hi kong he pehtlaiin Ralkap le venhimnak lei ah biatak tein kilvennak zong kan tuah.” Mah vial hi ka leh. Video a zoh duhmi nih a tanglei link ah zoh khawh a si lai. https://rumble.com/vcs0gt-breaking-trump-releases-new-video-from-oval-office-after-impeachment.html?mref=23gga&mc=8uxj1&fbclid=IwAR0nZx8XDH_xCYfIlCGc8990BgQbvY9iG4nr-kQ8aKQEisBPpmFBaVeu7LE