BREAKING NEWS: Tuzaan ah Ralkap le Mipi Karlak ah Buainak Fakpi a Chuak

Myanmar ram pumpi ah ralkap nih CDM lei ah aa pehtlaimi mipi paohpaoh cu an tlaih thluahmah cang hna. Tuzaan zong ah Ralkap le Palik lei cu mifir bang zan ah an vak. Mi pi nih a sawh sawh in an zoh ve hna lo.  Zahan zan suimilam 9 zongah khan ralkap hna nih mipi tlaih dingin an kal hnawh hna ti asi. A bik in CDM ah vuantthan zungkai mi pawl cu police le ralkap hna nih tlaih dih ding in an kawl cuahmah hna.

 Mi an tlaih cuahmah lio ahcun inn pawngkam hna nih belkheng an tum hnawh hna i Ralkap e police cu an motor chungah an lut dih i mi zong tlaihmanh lo in rianrang taktak in an zam tiah theih asi. Hi hi mithmuh kuttongh bak in a hmumi nih a pawngkam ummi innpa hna cu Belkheng tum dingin a fial hna caah atu bantuk police le ralkap an zam dihnak hi asi. A tu bantuk zei ruanglo tlaihkhih a tongmi pawl zong hi mipi hna nih police sakhaan tiang ah an kal hnawh hna ti asi. Mipi cu hriamnam le umkheng heh an chuak dih. Buainak fakpi a chuah hi a si.

Mipi na ral attha kho tuk, uar an um i thildik an ttanhnak an lungput hi upat a tlak tuk. Zantlai ah police pawl nih sining he tlaklo in tlaihkhih mi hna cu mipi hna bak nih an zung ah an va lak tthan hna ti a si.

Cucaah laitlang a ummi hna nih kan theih ding pakhat cu police an si ah maw ralkap an si ah maw nan in ah CDM chungtel na si ruang an in tlaih a si ahcun na innpa belkheng tum fial philh va hna hlah.Khuate lei cu an police,ralkap nih mi an tlaih bak ah an khua nih belkheng an tum hnawh hna ii an zam a ter dih ko hna. Source:KMY Media