BREAKING NEWS: Twitter Company cu Trump an Kham (blocked) Hnu in Sipuaizi lei ah 10% bak in an Tum Chuk Cang

Tuni khan Twitter Company cu Sipuaizi lei ah Stock biatak tein a tla. 10% bak Trump le Trump  former national security adviser Michael Flynn le attorney Sidney Powell hna chuah le kham an si hnu ah hi thil hi a cang. Twitter nih hin Trump lawng siloin former national security adviser Michael Flynn le attorney Sidney Powell hna zong a chuah hna. A chuah bak in a chuah hna. Ca pakhat hmanh an tial kho ti lo. Mipi pehtlaihnak hrimhrim an ngei kho ti lo. 

Trump nih hin Twitter ah Million tam tuk followers a ngeih hna. Cun Trump cu kham law law bak in Twitter nih a tuah caah Twitter company cu biatak tein sipuaizi lei ah a tla. Zeitin dek  an ruah te hnga. 10% tumchuak cu Company caah a fak ngaimi a si. Source: Daily Mail

Relchap: BREAKING NEWS: Trump Twitter i Kham (Blocked ) asimi kong ah German Chancellor Angela Merkel a Lung a Tling Bak Lo 

Germany ram hruaitu bik German Chancellor Angela Merkel nih Twitter nih Trump an blocked mi le an chuahmi kong ah a lungtlin lonak a langhter ve cang. German Chancellor Angela Merkel le Trump hi aa rem tuk le aa daw tukmi cu an si lo nain tutan Trump an tuahto ning ah a lung a tling deuh lo in a lang.

German Chancellor Angela Merkel nih Trump cu zungzal Twitter hmang kho tilo ding bak i a tuahmi kong ah hi ti hin a langhter, ‘ Trump zungzal Twitter in chuah le kham a si mi hi a buai ngai, mah le ruahnak chim phuan hi minung hna kan covo bak a si tiah a langhter.Facebook le Instagram nih Trump an kham hnu ah tlawmpal ah Twitter nih Trump a kham ve than hi a si. Cun a dang pakhat an tuahmi zong kham than a si. Trump hi catialnak le mipi  he a hmuh ning tial nak bak a ngei ti lo. Tech company lian vialte nih Trump hi an kham dih. Trump hi naite US cozah innpi ah buainak a chuah hnu Social Media pawl in kham a si hi a si. 

German Chancellor Angela Merkel biaphuangtu (German Chancellor Angela Merkel hi holh lehpiak a si caah) nih a chim mi cu Social Media hi ramkhel rianttuannak ah ipehtlaihnak tha caah a si awk a si, asinain khat le khat ihuatnak le lih le hrawkhrol belte le buainak chuah khawhnak i hriamnam ahcun hman ding a si lo tiah a chim chap. Cun minung covo hi phunglam ning tein le phunglam sertu hna zoh in kalpi ding a si, social media i lutlai pawl nih biakhiahnak an tuah awk a si lo a ti rih. Trump Twitter i an khammi kong ah a lung a tling lo.Source: Daily Mail