BREAKING NEWS: US Pastor pa cu amah Meithal Lila in Thah a Tong (RIP)

A poi tak tak, US ram ahcun Biakinn tiang meithlal he ven zong ah a him hlei ti lo. Texas Pastor pa cu a biakinn lila ah amah meithal lila in kah a tong. A nunnak tiang a liam. Zahan Sunday khan US Pastor cu amah biakinn lila a simi Starrville Methodist Church ah meithal kah a tong. Biakinn pumh service zong tuah kho lo in um a si. Member pawl ngaichia in caan an hmang.

 Zahan, Sunday khan US Palik hna cu Starrville Methodist Church ah a rannak in phone call an hmuh. A hmun an va phah tikah Palik nih Pastor pa cu meithal kah in a  thih cu an va hmuh. Mifir le misual pa hi a zan hmasa ah Palik Mawttaw in dawi a si hnu ah biakinn ah aa thup. Biakinn ah hin meithal a ngeimi Pastor pa nih a rak hmuh. US ram ahcun biakinn tiang meithal he a vengmi an tampi cang. Mifir pa le Pastor pa hi biatak tein buainak an ngei hnu ah mifir pa nih Pastor pa meithal cu a lakpiak khawh i  thi lak i a kah i a zaam beh.

An chim ning ah mifir pa hi biakinn chung ah aa thup i Pastor Pa a thah hnu ah Pastor pa mawttaw in a zaam colh. Palik nih tlawmpal ah an tlaih. US ram hi cu a him lo ngai ngai. Misual le  mifir hrim hrim an tam tuk. Pastor tiang thah le nawn an tong. Meithal bak he biakinn an ven zong an luat tak tak hlei lo. A poi tak tak. Source: Daily Mail