BREAKING NEWS: US President Thar Biden Lawmhnak Ni (Inauguration Day) caah Thinphan Tuk a Si

US ram i venhimnak lei tuanvo neitu (US Defense Official) pawl cu tutan Biden lawmhnak puai (inauguration) caah an thin a phang tak tak. Tihnung tak tak mi thil a chuak sual lai ti an phang ngai ngai. Trump ruang ah US ram ah minung tam tuk lungfak le lungtling lomi an tam tuk caah thil poi pang a chuak sual lai ti phan a si. Trump thazaang petu lawng siloin hi ni ah hin US ralkap lila hmanh nih buainak an chuahpi lai ti phan a si.

Cucaah Biden lawmhnak puai i a venhimnak a tuah dingmi National Guard Troops minung 25,000 hna cu biatak tein FBI nih an check hna lai. Ralkap le chunglei minung lila nih Biden cung ah maw a si lo ah hi puai ah buainak an chuahpi sual lai ti cu phan a si.

Tutan hi voidang US President lawmhnak Inauguration nak in tam deuh venhimnak tuah a si lai i US ralkap National Guard zong minung 25,000 bak Washiginton ah phan lai. Kan hnu Trump US president ca i lawmhnak puai nak in  a let 2 le cheu in an tam deuh. Source : Daily Mail

Relchap:- Hakha le Thantlang Kar i Thil Cangmi hi a Poi Tak Tak

U Aung Aung cu Hakha le Thantlang kar ah tangka kyats sing 17 an chuh:U Aung Aung cu Hakha le Thanlang kar lak ah minung pathum nih 2021 January 16 zanlei suimilam 2:45 hrawng ah tangka kyats sing 17 an chuh tiah kan theih. Hi kong ah Thantlang palik bawi U Than Lwin nih, “ atu hi tangka chuh a tong mi U Aung Aung hi kan check hlat cuahmah lawng a si rih.Minung pathum nih tangka an chuh hnu ah Hakha lei maw an kal Thantlang dah ti mi zong U Aung Aung nih a kan chim kho lo. Cu caah hi thilsual tuah mi minung 3 hi hlat ding cu a har ngai. Asinain, Tikir I palik le Hakha in palik hna tiang i bawm in kan kawl ko hna lai. U Aung Aung nih a kan chimh mi minung he a sining aa lo mi kha palik nih kan hlat lai i kan hal hna lai,” tiah The Hakha Times ah a chim.“U Aung Aung hi Irrawady ramthen in a ra mi Kawl miphun a si. Kunya le khaini zuar in a paw a cawm mi a si. 2021 January 16 ah Thantlang ah kunya lei ba cawh ah a tlung i lei a ba tu nih Ks.100,500 an pekl mi aa kir pi mi le amah pumpak ngeih mi a sihlak Ks. Sing17 an chuh hi a si. Tangka a chut tu hna hi lai holh in a chim mi an si tiah palik sin ah a chim,” tiah Thantlang palik pakhat nih The Hakha Times ah a chim.“U Aung Aung hi kunya leiba cawh ah Thantlang ah a kal i a kir lei ah a tu bantuk in tangka chuh a ton hi a si. Minung 3 nih lam an kham i a motorcycle an dir ter hnu ah lo kalnak lam lei ah an kal pi. Mah hnu ah hmur le a kut cu tape in an tem hnu ah tangka sing 17 an chuh tiah kan theih. Hi thilsual tuah tu minung pathum cu Thantlang peng palik sakhan nih (pah) 3/2021/pohma 392 in tazacuai ding in an hlathlai cuahmah,” tiah Thantlang IPRD nih an langhter. Source: The Hakha Times.