BREAKING NEWS: US ram le Biden lei panh in Ralzaam Thong Tampi an Kal Thluahmah Cang

Biden US President Thar i rian a tuan lai theih ah Mexico ram pawng te ummi Honduran ralzaam tam tak tak cu US ramri lei panh in tam tak tak an kal. Honduran hi Central American ram, US ramri Mexico ram pawng te ummi ram sifak pakhat a si. An ram hi ram harsa a si ve. US ram he aa hlat tukmi ram a si lo. Mexico pawng te  ummi ram pakhat a si. US ram ah hi ralzaam pawl hi an tam ngai ve. Hi ralzaam tampi hna cu Central American ram pakhat Guatemala ram zong an lawnh in US lei an naih tluahmah ti a si. 

Tutan ah US President thar caah Biden a si lai tiah thawngpang nih cun ruahchannak tampi a pek hna. Biden Inauguration hlan deuh i Biden nih Ralzaam hna cungah a lungput hneksaknak  hmasabik a si. Biden nih hin ralzaam hna hi a daw tak tak maw timi tampi aa thei lai. A lak in a kir ter lai maw, zei tin dek a tuah te lai timi a um cang.

Hi ralzaam pawl hna hi a minung in 2000 in 4000 karlak cu an si hrimhrim lai ti a si. US ramri lei panh in an kal thluamah ti a si. Biden nih ruahchannak nganpi a pek caah raltha tak tak in hmailei an panh thluamah cang. US ram cu ram tha le ram nuam a si caah hnulei kir hrim an itim ti lo. US lei an panh thluamah cang.

Hi ralzaam hna aiawhtu an hruaitu Pueblo Sin Fronteras nih statement in a langhter ning ah ‘ Tutan US cozah nih ralzaam hna cung ah biakamnak tha tuk a ngei’ tiah an langhtermi a um fawn.  Hi ralzaam hna nih hin kawika set dah kal an i timh ti cu theih ngai ngai a si rih lo nain US ramri lei panh in a kal thluamah ti a si. Source: Daily Mail