BREAKING NEWS: US Sizung ah a Rannak in Covid 19 Khamnak Sii Chunh Ngol Colh a Si

US i Chicago chaklei Sizung Pakhat nih cun Covid 19 khamnak sii chunh (Vaccination) cu a riantuantu hna nih buainak an ton cangka in a rannak in an ngol colh. Covid 19 khamnak Sii chunh cuahmahmi Pfizer cu Chicago i Sizung pakhat ahcun chunh ngol chung  a si rih. Sizung i a tuanmi Staff minung 4 hna cu hi Covid 19 khamnak Sii chunh an si hnu bak hin an taksa ah buaibainak i langhnak a um colh. A taksa a thak i a lungtor (heart) zong a rang tak tak in a kal  tiah report nih cun a langhter.

Sii chunhnak ruang i buainak a tongmi minung 3 hi an dam ngai cang i inn ah zohkhenh cuahmah an si i pakhat belte hi biatak deuh tein zoh khenh a si tiah Fox 32 Chicago nih cun a langhter. Hi sizung  Advocate Condell Medical Center hi Chicago in meng 39 i  aummi sizung a si. Hi ka hmun hma Medical center lei nih an chim ve mi cu hi thil hi minung 3000 hna lak i minung 4 nih hibantuk an ton hi a si tiah an chim ve.

Tuzaarh khan Covid 19 sii cu US hmun tampi ah biatak tein ichunh cio a si.Covid 19 khamnak Sii Pfizer le BioNtech hi US i Sii lei nawl petu Food and Drug Administration hna nih mipi caah a him ko tiah a cohlan cangmi a si. Source: Fox

Relchap:-US Bawmhnak Stimulus Check Kong Thawngpang Tha :- Zahan zantim ah Congress nih cozah budget ni hnih ca an thlak hnu ah President Donald Trump nih min a thut i government shutdown timi federal cozah zung kharnak in luat a si.Zarhpi ni sunday ca tiang lawng budget an pek chung caah tuchun le thaizing ah ngol loin meting an ngei rih lai. An meting ah coronavirus bawmhnak $900 billion le cozah budget aa tel chih. Coronavirus relief bill an chuahpi mi hi $ 900 billion a si. Mah chungah Stimulus check $600 bawmh dingmi le rian ngei lomi unemployment benefit caah zarkhat $300 pek dingmi a tel chih. Zarhpi i lungtlinnak an tuah khawh ahcun Stimulus Check $600 pek dingmi zong a tel chih lai ti a si. Source: Salai Lairamthang