China Debt trap policy nih Uganda International Airport cu China nih ngeih piak khawh asi cang mi kong cu,

China nih alarpi ngai ngai mi debt trap technique hi asi, China caah cun atha bak ko lai, Uganda ram nih angeih chun international airport, Entebbe International Airport cu, Beijing kut ah um khawh dirhmun asi cang, 2015 ah China’s Export-Import Bank (EXIM) ah Uganda nih $207 million 2% interest rate ngeih in tangka anva cawiter kha asi, Mah loan hi Entebbe Airport repair thatter nak ding le cangkang deuh in tuahnak ca ding ah hman ding asi, kum 20 chung ah rul/cham dih ding asi lai, cu pin ah kum 7 grace period chung zangfaknak ngeih in hmanter can asi.

Uganda acoyah belte nih cun loan rul/cham ding ah an tuah mi, loan arrangement bantuk in an kalpi khawh lo khi asi, African media reports ning in China duh amnak/mah zawnruahnak nih, Entebbe International Airport le Ugandan assets hna cu, China Leaders hna nih ngeih piak duh in lam an kawl lio asi ati, Uganda President Yoweri Museveni nih acoyah ai awh hna kalter in Ibiakchawnhnak lam a um sual ah tiah tiin beisei ngeih in an kalter lio asi, Uganda acoyah ai awh hna Beijing ah akalter mi hna le Chinese authorities ibiaknak nih zeihmanh thei par angei lo khi asi.

November 17, 2015 ah khan Uganda government, finance ministry & Civil Aviation Authority, hna nih cun Export- Import Bank of China (Exim Bank) sin in US $207 million – kum 20 chung ah rul/cham manh ding in cawiter an si, grace period kum 7 he mah agreement ah hin Uganda acoyah nih a rul/cham khawh lo asi ah cun, Chinese financiers nih Uganda International airport ngeih chun cu an chuh piak lai tiah report ah langhter asi, Zar hmasa ah khan Uganda’s Finance Minister, Matia Kasaija, an Parliament sin ah $207 million loan an rul/cham that khawh lo ruang ah, Ngaithiamnak a hal tiah news report nih arak langhter khi asi.

China Debt trap policy ngeih mi hi ram hme le ram sifak hna sin ah an tangka cu, interest rate ngeih in Loan bantuk in an pek tawn khi asi, mah loan cu kum 10 or 20 ti bantuk in agreement sign pi tawn asi, ram sifak mi hna nih tangka cu anrak cawitawn ve fawn tik ah tangka leiba cu acan chung te ah a rul/cham khawh asi lo ah cun an thil pakhatkhat khi ngeih piak tawn asi, Shrilanka Lawng dinhnak hmun hma zong cu bantuk loan lak in tuah mi asi, an tuahnak man an cham khawh lo ruang ah China kut ah aphan cang khi asi, China nih mah policy cu Asia ram hme hna le sifak hna hi bawm duh ngai bantuk in lang ko hmanh selaw, loan pektu khi asi tawn timi hi theih atha ngai ko.