China le Russia nih Mirum pakhat Atarlink satellite ngeitu Elon Musk cu mi hnahnawk an si an ti zeidah aruang?

China le Russia nih Mirum pakhat Atarlink satellite ngeitu Elon Musk cu mi hnahnawk an si an ti zeidah aruang?

China nih hin Elon Musk ta SpaceX Starlink satellite pawl hi nikum in anrak soisel cang khi asi, atu zong ah arak soisel fawn cang, Russia zong nih hin an duh tuk lo khi asi, aruang cu internet tower dang dang an bomb chiat dih hnu zong ah, starlink thazang ruang ah Ukraine pawl nih internet duh tawk in anrak ngeih khawh than hi asi, Ukraine combat drone pawl nih, data transmission caah starlink satellite san tlai ngai ngai in an hmang fawn khawh caah asi, Russia nih hin vawi tampi starlink cawlcang kho lo ding ah cyberattack hmang in thuat an tim tawn, Space X lei nih hin anrak block khawh fawn caah Russia tim ning in zeihmanh an tuah kho lo caah atu bantuk in hnawksak asi tiah an ti.

China zong nih hin Starlink hi a thlithup tein anrak tih ngai mi asi, China nih US stealth fighter pawl le combat drone pawl hna hi Starlink satellite an connect ah cun transmission speed a let 100 in thawn/cak nak anngeih khawh ruang ah asi, US Department of Defence lei nih Space X tuanpi in Starlink tech based nih hypersonic missile tracking le detection khawhnak ding anrak ruahman lio khi asi fawn, Cu ruang ah cun chiatter khawhnak lam kan kawl aher tiah China le Russia nih an ti.

Sihmanselaw starlink satellite awl hi atu dirhmun ah cun chiatter khawh lo tluk khi asi, atu ah hin van sang ah khin 2400 a um lio khi asi, anti-satellite missile hmang zong in kah thlak dih khawh ding khi asi lo cu! Cheu khat hna cu achiater khawh ko hmanh ah tampi cu chiatter khawh cawk ding asi lo an ti, tha ngai in aning tein function khawh peng khi asi, anti -satellite missile million tampi man hmang in starlink satellite dollar ting 2 man tihchiat mi kha tangka tampi dihnak men khi asi caah hnawksak an timi zong asi, SpaceX lei nih zarh chiar in 50 nak tam a thar an kuatcho peng fawn khi asi, An kap fuh piak khawh lai maw timi zong afiang lem lo khi asi.

Starlink satellite hna hi ion thruster a ken caah hin rianrang in umnak hmun hi athial cawlh peng khawh fawn, artificial intelligence hmang an si fawn, Laser weapon kan ti zong ah, tech arak mature lo ngai fawn, an tuah khwah mi sang bik cem ah ruah mi cu, drone he kah thlak asi, mah hmanh cu kah thlak cawk asi lo cu mu, mah caah cun Elon Musk nih an ngeih mi Starlink stellite pawl hi China le Russia caah cun atu dirhmun ah ti ngaihnak a um rih lo khi asi.