China nih Chinese Space Station in Spaceship thar an chuahter lai, Sawlet thiam Juda miphun le China miphun Sawlehnak ah asungsual ah cun zeitin dah an um?

China nih cun thaizing Saturday zan lei suimilam 12:23AM ah khin, Chinese Space Station lut ding in,  Shenzhou 13 manned spaceship thar cu, a kapchuak than lai, mah chung ah hin China Nungak chung in, space ah lut hmasa bik ding Miss. Wang Yaping zong a tel ve lai, Van boruak kau ngai pi ah khin Universal ah thil umtu ning hna tampi an cawn khawh lai tiah news site report ah langhter asi, tlamtling tein an thil tuah ding mi hna an tuah dih hnu ah vawlei ah arak kir than lai, China hi Economy lei ah athang cho ngai ngai ko, anram hi democracy siseh law vawlei cung ah pakhatnak asi ko lai tiah mithiam tampi nih an chim hna khi asi.

Meet the crew for China’s Shenzhou-13 spaceflight mission: ah alut ding mi hna cu, atang lei ah amin hna langhter asi, minung 3 chung ah Nu pakhat a tel mi asi.

– Commander: Zhai Zhigang (C)

– Wang Yaping (R)

– Ye Guangfu (L)

Sawlet thiam Juda miphun le China miphun Sawlehnak ah asungsual ah cun zeitin dah an um?

Voikhat cu a Rum ngaingai mi Juda Businessman pakhat le China Businessman pakhat hna cu Hmunkhat te ah dawr tuah in thil anrak zuar veve tiah an ti, Customer tam deuhdeuh ngeih/ngah khawhnak ding ah thil zuar pah in anrak zuam veve khi asi, can tlawmpal ah cun anrak sung veve anti, an sung veve cang caah zei dang tuah ding an ngei ti lo tik ah, China pa nih zung/Office ah kal in Ngak tah sinak ahal, cun leiba rul herh tilo in kutdawh/thil halnak an ngah ati, Cu caah dawr cu khar in lampawng ah kutdawh/hal in an ei an din anti.

Juda pa zong nih zung/Office ah kal in kutzia zoh thiam/Ai-en thiam zohnak Licence a hal anti, Cu Juda pa zong cu lam pawng ah thu in mi kut zoh piak tawn in a thu ve ati, Kum arau deuh cang hnu ah cun China pa nih cun kutdawh tangka hal mi he Restaurant Hotel tuah in rian an awt than khi asi, Juda pa zong nih kut zoh piaknak man he Bank ngei in rian an awt ve anti, Mah 2 hna cu kum Upa anrak si cang caah athi deng mang tik ah cun an fa hna cu hitihin bia anrak cah hna anti.

China :-Kafa Juda miphun he Sawletnak ah zei tik hmanh ah el hrimhrim hlah, na el ah cun nasung lai, kan nih cu phungthluk bia Bible kan ngei lo, Juda hna nih cun ei/din an ngei lo hmanh ah Phungthluk bia Bible bohchan in an nung kho tiin tha tein bia acah ta hna khi asi.

Juda :- Kafa China miphun he sawletnak ah zei tik hmanh ah el hrimhrim hlah, An nih cu tangka an ngei lo hmanh ah kutdawh hal in an kawl khawh, Kan nih Juda hna cu mah bantuk thiamnak kan ngei lo tiah bia acah ta mi khi asi.

Mah miphun 2 hna hi vawlei cung ah cun sawletnak lei ah aho miphun hmanh nih anrak phan kho lo mi le anrak tei kho lo mi miphun an si, pakhat miphun nih an sung zong ah lung dong bak lo in, aniam bik rian in asang bik/sung lawi bik dirhmun ah adir than khawh khi asi, pakhat miphun zong nih an sung cang zong ah Pathian Bibile an zumh ning in thil dang an tuah nak ah tlamtling ngai ngai in athangcho than khawh khi asi, Mah tuanbia hi- An sung, an dih hmanh ah an thothan khawh bantuk in, Kan nih zong nih cawng ve u sih.

Credit : Dr Aung Htang