Covid Sii Chunh Kong ah Lungtlin lonak fakpi a Chuak

Trump cozah nih US mipi pawl covid khamnak sii an chunhmi hi a nuar ngai ngai tiah CDC lei nih an langhter. Hi tluk nuar i Covid Sii chunh a si cu kum 10 chung hmanh ah US ram mipi dihlak caah chunh  dih a si bal lai lo tiah an chim. Hi kong he pehtlaiin lungtlin lonak a tam ngai ngai. CDC lei nih an langhter ning ah atu sii an chunh ning (Rate) hin cu target mi a tling kho lai lo tiah an chim.

June thla dih hlan i lim ding ahcun nichiar te minung 3 million nih Covid khamnak Sii hi an i chunh a hau tiah an langhter. Tuthla thik khan Covid khamnak Sii, Pfizer le Moderna Vaccine hna cu a voikhatnak caah chunh hram an thok. Sii pawl hna cu state kip ah photzam cuahmah a si i tuzarh zong ah 4.7 million doses bak kuat dingin timhtuahnak a um cuahmah rih. Atu tiang ah 11.5 million Sii hna cu US State 50  ah kuat cang a si.Atu ning tein a si ahcun, US ram mi 330.7 milu,80 % sii chunh  dih ding ah kum 10 dengmang a rau lai tiah an chim. Hi kong he pehtlai in vuivainak a tam ngai ngai. Source: Daily Mail  

Relchap:- US Covid Bawmhnak Phaisa a Lut Cang Lai. Nan Bank rak Chek cio Uh. (GOOD NEWS) 

Thawngpang tha tak tak. Nan bank account van zoh cio tuah uh. Tuzaan ah luh dawh a si cang. Hi ti hin Salai Lairamthang nih cun a langhter. ‘Tuzan zantim silole thazing ah minung pakhat $600 bawmhnak nan bank ah a lut lai tiah IRS nih an thanh‘. Source: Salai Lairamthang