Delhi Doctor hna zong Covid-19 zawtnak hrik kai an tam ngai ko cang tiah news report ah langhter asi, India-ah Omicron zawtnak thihpi  mi an um cang!

India ram khuapi bik Delhi cu zawtnak hrik atam than lio caah Doctotr le Staffs hna tampi nih hrik an kai hna tiah thei asi, All India Institute of Medical Sciences (AIIMS) doctor pakhat nih cun atu bantuk in riantuantu hna zong hrik kan kai ah cun zawtnak hrik hi kan doh kho lai lo tiin a chim, Delhi-ah hin minung 25 million hrawng kan um tiah kan chim tawn khi asi, mah chung in 1% hi hospital ah um selaw Delhi NCR nih hin an itlum bak lai lo tiin, AIIMS-ah neurology professor Dr P Sarat Chandra nih a chim mi asi, Hospital ah tuan mi hna nih atu bantuk in hrik kan kai deuh deuh asi ah cun, kan izohkhen kho lai lo tiin achim than mi asi.

Dr Chandra nih himnak biapi ngai ko dam lo zohkhentu hna hi acheu hrawng atu ah hin an dam lo lio pi asi, zawtnak alang lo nain rian an tuan an tuan kho lo tiah ati, Doctor Professor nih hin mipi hna cu zawtnak hrik adarh lonak hnga ralring ceu ding in acah hna fawn, Khuapi chung ah um mi hna hi 1% zong dam lo selaw sizung nih akan zat lai lo ati, mah caah cun mah ceu in iven le ralring kan her tiah ati, Covid-19 zawtnak hrik kai atam deuh deuh caah hin, Delhi acoyah nih cun Hospital 9 ah ihkhun an chiahchih hna, atu ah hin Covid-19 kai zohkhennak ding ah ihkhun bed 4,350 a um cang tiah Delhi health & family welfare department nih a chim.

Bed/ihkhun chiahnak hi India Gandhi Hospital, Lok Nayak Hospital, Guru Teg Bahadur Hospital, Burari Hospital, Rajiv Gandhi Super Specialty Hospital, Ambedkar Nagar Hospital, Deen Dayal Upadhyay Hospital, Deep Chand Bandhu Hospital leh Dr Baba Saheb Ambedkar Hospital hna an si, Delhi khuapi chung ah hin can liam cang deuh ah khan riantuantu hna chung ah hrik kai an tam ngai ngai, AIIMS hospital hmanh ah hin hrik kai doctor 50 hrawng an si, Safdarjung Hospital-ah 26 hrawng in an kai fawn, Ram Manohar Lohia hospital ah mi 45 an kai mah chung ah 38 hi doctor hna an si, North Delhi Municipal Corporation-nih an zohkhen mi  Hindu Rao Hospital-ah doctor 20-nih Covid-19 an kai cang, Delhi acoyah zohkhen mi Lok Nayak Hospital-ah 7 nih an kai fawn tiah report ah langhter asi.

India-ah Omicron zawtnak thihpi  mi an um cang!

Rajasthan-ah putar kum 74 mi cu India-ah Omicron variant ruang ah athi mi hmasa bi kasi, tiah union health ministry nih a chim, India-ah hin Omicron kai minung 2,630 leng an um cang, Mi thiam hna nih cun Omicron variant hi kai mi atam cang ati, India-ah hin suimilam 24 liam can chung in minung 325-nih covid zawtnak hrik an thipi tiah an ti, Omicron ruang ah cun pakhat long asi rih ko, Health Ministry Joint Secretary Lav Agarwal nih media hna sin ah an chim ning ah cun, Indian Express news nih cun Udaipur-hospital ah December 15 ah khan chiah asi ni 15 hnu ah a thi an ti, Doctor-hna hi cu ivennak special deuh in thuam asi cang tiah an ti.

Indian Council of Medical Research (ICMR) chief Balram Bhargava nih Omicron variant nih hin khuapi lian hna cu venhimnak ding ah hmalak lio asi ati, Agarwal nih cun Maharashtra, West Bengal, Delhi, Kerala, Tamil Nadu, Karnataka, le Jharkhand hna cu zawtnak hrik kai tamnak asi an ti, India-ah hin minung 35 million leng nih Covid-19 kai cang in minung 482,000 hrawng nih an thih pi cang khi asi, atu ah hin zawtnak hrik thar Omicron hi hlatthlai cangnak ah ahmasa nak in afaktuk lem lo tiah an ti, Hospital phan mi zong an tamtuk lem lo an ti, hospital ah lut mi hna zong sau an um lo ati, adam cawlh tawn tina kasi, State zeimaw zat ah curfew hna phuan asi, Delhi le Maharashtra zong an itel ve, pumkhawm hna le aleng chuah hna ralring ceu ding ah nawl chuah asi.