Donald Trump Cu Thinphang Ngai Ngai A Si Cang.

US President Trump cu thawh chuah (breathing) lei ah harsatnak a ton ti langhter a si cang. Trump cu US ralkap special pawl zohkhenhnak sizung Walter Reed Hosipital ah covid -19 a zawtnak kong ah zoh khenh a si cang. Trump ruahnak petu Adviser nih a chim nig ah Trump cu thawchuahnak lei ah harnak a ton pah caah tuni khan Sizung ah chiah a si tiah a langhter.

Helicopter bak in Walter Reed Military Medical Center ah zohkhenh colh a si. White House in Helicopter in a chuah ah hin a kut in bye bye cu a tuah. Hi sizung ah hin ni zeimawzat cu um dawh a si. White House nih a langhter ning ah Trump nawlneihnak cu Vice President a simi Mike Pence sin ah a up lem rih lo. Trump fapa Eric zong nih apa Trump hi thlacam a acah piak i biatak tein raldoh mi paraltha tiah a thangthat. White House he aa naihniammi Ivank, Barron le jared Kushner belte an negative dih. Cun Joe Biden zong a negative ve.

(Zahan a positive nak kong kan tial mi) Breaking News: US President Donald Trum Le First Lady Melany Trump cu Covid 19 zawtnak an ngei. Ho kong hi Donald Trump nih Friday zinglei(IST) khan an nupa i Covid 19 an positive nak kong hi a tweet mi asi. Quarantine zulhphung zong an zulh ve colh. A poi bak ko. Hi bantuk in US President te nupa nih Covid 19 zawtnak an ngeih tik ah lungthin aa nuam hrim hrim lo. Khrihfa an si ruang ah hin Laimi zong nih kan uar ngaingai mi hna an si.

US President Donald Trump nihcun , Quarantine kan si colh lai i, kan i recover colh ko lai. “We will get through this together” tiah a chim. Malania zong nih, American tampi nih an rak tuah ti cang bantuk in kei zong Covid 19 ka positive hnu ah Home Quarantine ka si colh lai. Kan ngandamnak zong a tha. Engagement kan neih ding vialte tu cu ka postponed dih. ” Please be sure you are staying safe & we will all get through this together.” tiah a chim ve fawn.

Covid 19 zawtnak an ngeih hlan deuh hin Donald trump nihcun Coronavirus test result cu kan hngak lio tiah a rak chim cang. Tu zinglei tu ahcun an positive ti a si. A poi bak ko. Pathian sin ah thlacam in bawm cio hna usih.

Source : India Today`