Donald Trump san lio ah anrak bawm ti lo mi bawmnak an tawpter cang mi Palestinian cu bawm than ding ah pawm asi than cang,

United States President Joe Biden-a coyah nih nih cun, Donald Trump-nih arak tawpter cang mi, Palestinian-hna an ram nih a bawmnak cu a peh than cang lai tiah ati pin ah, ram aiawh veve zong ibiakchawnh nak thar kalpi than asi lai, UN-ah US aiawh Richard Mills nih cun Security Council-ah Biden-nih hin Israel-Palestinian buainak cu, ram pahnih hna iremhter nak ding aduh caah, hi bantuk hmalak nak hi a support ko tiin a chim.

Palestinian-hna hi Trump a coyah he khan ihmuh thiam lo ngai ngai kha asi, Trump-a coyah nih kum liam cang ah khan iremh khawhnak ding ah ruahman nak atuah ve ah cun, West Bank le Jordan Valley-ah Judah pawl umnak hmun cu, Israel-hna nawl ngeih nak tang ah chiah atim kha asi, Jerusalem cu ‘Israel then darh lo’ (unidivided Israel) khuapi caah chiah atim fawn.

Mah pin ah hin Palestinian ram cu Gaza huam dih in, West Bank an timi ram 70% leng tuah in, an khuapi caah East Jerusalem hman ding in ruahman asi, Israel nih hin West Bank le East Jerusalem hi kum 1967-ah Middle East an idoh hnu in an um kha asi, Ram tampi nih cun mah hmun ah um lio hna nih, an luah ning hi ning cang lo asi tiin an ruah, nain Israel nih umnak ah ahman peng thiamthiam khi asi.

Security Council-ah ceih nak ah Mills nih cun Biden a coyah nih hin, Israel acoyah le Palestinian Authority hna cu, ram pahnih iremh lonak chia deuh deuh khawh, ram nan luah piak, mah ram asi lo ah cawlcangnak, thazang thawhnak phanter khawh, khat lei caah ralhrang bantuk cawlcang chuahnak phun hna hi cu, hrelh khawh ding in a nawl tiah a chim.

US nih Palestinian hruaitu le mipi hna he kum li liam cang chung ah, iremh lo nak lian tak um zong tha tein tuah than aduh tiah chim in, US nih bawmnak lei zong kalpi than atim, Ram aiawh tinak zong khar asi cang mi cu, ong thar than aduh tiin Mills nih hin a chim, Hi bantuk in US-nih a bawmnak ding hi Palestinian le Israel karlak boruak tha a um khawh nak ding bawmtu tha asi lai tiah ati, US nih hin Israel hi tha tak in support peng lai tiah fiang ngai in ka chim duh cawlh fawn e tiin a chim.

UN-ah US aiawh, Mills-nih hin Palestinian Foreign Minister Riad al-Maliki nih, “Trump-a coyah nih ning cang lo in thil akalpi mi cu athlenter ka zum tiah ati, hnangamnak a um khawh nak ding ah tha tak in kan tuanti ka beisei tiin a chim fawn, US-ah Israel aiawh, Gilad Erdan nih an ram le apawng hrawng hrang ah remdaihnak tlamtling a um khawh nak ding ah, ram pahnih ibiakchawnh nak ngeih hi bia pi bik ko tiin achim, Security Council cu Trump- ruahman nak bantuk in Israel biakchawnh ding ah, Palestinian-hna cu achim piak fawn.