European ah member si duh mi poh hi zei ruang adah an pawm piak khawh lo nak chan? EU member si ding ah Criteria zulh phung zei maw zat hna cu?  

European ah member si duh mi poh hi zei ruang adah an pawm piak khawh lo nak chan? EU member si ding ah Criteria zulh phung zei maw zat hna cu?

EU member si ding ah hin criteria zei maw zat kaltlang herh mi a um? Mah hna cu:- An pawngkam he buainak angei ding asi lo, Sumdawnnak market economy fekte in ngeih mi asi lai, Deemocracy uk ning tein akal mi asi lai, Dictator uknak phung a um lai lo, Minority miphun tlawm cung ah thlei dannak ngei asi lai lo, Member si duh tak tak mi hna hi mah criteria ah ah khan atling lo mi hna hi member an si kho lo, cheu khat cu apawngkam ram ruang ah lut khawh lo mi zong a um, tahchun nak ah Ukraine le Georgia, Moldova hna hi an si.

Ukraine ram acoyah tuah cang mi hna nih hin, mipi lungawiter ding ah EU member an si ding kong hi an chim piak tawn khi asi, Ukraine zong nih hmailei pan ve peng in, a tling cho ve deuh deuh in alang, EU member si khawhnak lam pawimawh cu, EU-Ukraine Association Agreement hna an sign cho khawh khi asi, mipi zong an phur ngai hna cang, Sihmanselaw 2013 kum dongh lei ah thil duh um lotuk, an hmailei can chiatter khawh ding aphan tlat khi asi, Vladimir Putin cu Ukraine politics ah arawlh piak in, Ukraine President Yanukovich cu arak fawrh ko, fak ngai in pressure an pek cho deuh deuh kha asi, aruang cu Putin nih hin USSR dirthar than kha alungthin ah arak um peng cang kha asi.

USSR san lio ah an ram chung ah ram um nana kha cu, duh tawk in an biakchawnh pin ah thil tampi ah an fawrh peng fawn khi asi, sphere of influence ngeih a tim timi cu a policy in a lang khawh ko cu, Ukraine ram cu NATO hmanh chim lo in military lei zong si lo, EU ah an lut sual lai tihi an phan bik mi asi, Cun a duh ning in thil akal ko lai tiin an zum, 2013 november thla ah EU-Ukraine deal an final cang lai tiah an ti lio ah cun, Viktor Yanokovich nih zeihmanh chim lo in, EU cu hnawn/pawm lo in, Russia Putin hna economic blog CIS lei ah cun amer daih kha arak si.

Russia si lo mi EU cu ram thanchonak lei ah athangcho ngai ngai mi ram asi timi cu an theihtuk ko, Ukraine mipi an thin hung ngai ngai cang hna, khuapi dang dang hna ah lam zawh in, buainak azual deuh deuh peng khi asi cang, Kiev khuapi Maiden Square hna ah cun mipi lungawilo an kalkhawm dih hna khi asi cang, World Boxing Champion hlun Vitaly Klitchko zong nih bia chim in, ‘today they stole our dream, our dream of living in a normal country” tiin arak chim kha asi, acoyah lei nih hriamnam phunphun ken in, remdaihter an tim ko hmanh ah umzia ngei lo in, ahnu deuh ah cun zual lei pan protest cu revolution ah arak cang cho kha asi cang.

Mi thi le hliamhma tuar tampi an um hna cang, a donghnak lei ah cun, Ukraine Parliament cu ram mipi tambik nih an duh ti lo, President viktor Yanukovich cu pai/hlonh ding in rem an ti hna cang khi asi, cei lak in hlonh/paih arak si, amah lei tang party hna zong nih a duh lo lei ah vote an thlak dih hna kha asi, Russia ah a zam daih ko, mah buainak nih cun Vladimir Putin a thinhun tertuk kha asi, a dream Eurasian ram ah Siangpahrang bantuk in um le tlawnglen an tim mi cu fail/tlamtling lo bak khi asi cang, cun Ukraine ram cu a sanction cawlh fawn, Ukraine ram a buai lio ah Putin nih Crimea ram lei ah cun ralkap hna luhter in, International Observer hna tello in vote arak thlak ter kha asi, Russia ram ah um duh an tling bantuk in langhter in pawmpiak kha arak si.

Ralkap thazang hmang in Crimea cu arak chuh piak kha asi, mah hnu ah cun Donbass ah ralkap le hriamnam hna an luhter peng fawn khi asi, mah Neo Nazi Azov battallion kan timi hna hi cu, ahnu ah Russia ralkap doh ve ding ah dir mi cauh kha asi, mah hnu ah cun Ukraine ram dirhmun ah an buai zia cu kan theih dih ko cang bantuk asi cang, Nihin ni idohnak tiang hi buainak a peh peng mi cu arak si, hi ti rengreng in Ukraine ram hi ruah lopi in an ram mipi nih EU member si ding ah beiseinak sangpi ngeih in an phur/thatho ngai ngai lio ah buainak rapthlak taktak in atu tiang arak tuarnak hi asi ko, apoi taktak ko.