FBI pawl nih Nancy Pelosi Laptop cu Kum 22 upa Riley Williams nih a Fir Bak timi Tehte he an Langhter Cang Ko

FBI pawl Nancy Pelosi Laptop cu fir bak a si ko timi fiang tein tehte he an langhter cang. Nancy Pelosi laptop cu naite January 6 khan US Capitol ah firpiak a tong. Laptop a firtu hi Riley Williams bak a si ko timi tehte an langhter. Tehte bak he langhter  asi. A hlan deuh ah khan cun amah si ti a si ko nain tehte langhter awk ngai ngai a rak um lo.  Tu ah cun tehte a um cang.

Nancy Pelosi laptop ah hin US ram kong he aa pehtlaimi thil biapi tam tak tak a um. A laptop hi Hp company laptop a si. Nancy Pelosi laptop a fir tiah puhmi nu hi Riley Williams a si. Riley William tlangval thing (ex-boyfriend) nih cun hi Hp laptop hi Russian pawl sin ah man fak tak tak in zuar a timh timi zong a court ah a chim.

Hi lawng siloin phone i video ahcun Nancy Peolosi Office i laptop lak lio bak record mi zong hmuh a si. Cu video ahcun Riley William a si ko tiah timi aw zong theih a si. Riley William hi kum 22 a si i laptop hi Nancy Pelosi office in a fir i Russian pawl sin ah zuar a timh tiah chim a si. Atu hi Palik nih an tlaih cang. Asinain zeitin zeitin dek Russian pawl sin ah zuar manh lo in amah tu hi an tlaih manh hi a si. Source: Daily  Mail

Relchap: – Franklin Graham nih US President Thar Biden Ralrin a Pek Colh

Trump thazaang a pe ngaitu le Khrihfa hna biatak tein a dirpitu teicia Billy Graham fapa Franklin Graham nih cun Democrats pawl ralrin a pek hna. Biden Party pawl cu fiang ko in ralrin a pek cia. US Presdient thar Biden nih American mipi he rianttuanti dingin biakamnak le biachimnak a ngei. Hi kong he pehtlaiin Franklin Graham nih cun Democrat pawl le Biden ralrin a pek cia cang hna. Hi ti hin a langhter; ‘ Tuni President Biden nih lungkhat i rian kan tuanti lai timi bia a chimmi cung ah lawmhnak ka nei. Democrats pawl nih Office a chuahtak cangmi President  cu President in phuahnak tak tak (impeachment) ah tuah sual citcet ahcun kan ram cu a then then in aa then chin chin lai. President Biden nih Capitol Hill i Trump phuah (impeach) a duh tukmi pawl hnu cit in hi thil vialte hi hnulei ah a chiah lai tiah ruahchannak ka ngei. Kan rampi ipumkhatnak ser a duh tak tak ahcun hi thil hi rian biapi tak tak a si lai. Mi vialte, a caah thlacam dingin kan duh hna’ tiah a langhter.