G-7 ram iton khawm nak ah China nih ram hme le sifak hna cung ah Debt Trap policy akalpi mi hi hrawh/doh ding ah,

G-7 ram iton khawm nak ah China nih ram hme le sifak hna cung ah Debt Trap policy akalpi mi hi hrawh/doh ding ah,

Group of 7 ram hna hi vawlei ram arumtuk mi hna an si, atu tan zei tin dah vawlei dirhmun hi remdaihnak le Economics ah tuah an tim hna timi hi asi, International politics ah hin China nih Debt Trap hmang in Nepal, Sri Lanka, Bangladesh le African continent hi zeitin dah, mipi nun zalongnak ei din kong ah an dirhmun hi zei dirhmun dah asi?? China nih vawlei ram dang dang hna, infrastructures a dir mi hna hi thil dik lo le an ram chung mipi phur rit tum mi asi caah hin, G-7 hna nih zeitin dah bawmnak lam a um maw? tiin, an ceih bik mi asi.

China nih Debt trap policy ahman mi hi, Kum 10-15 chung ah ram sifak hna nih an tuar tuk cang hna khi asi, Xi Jiping politics thuk ngai mi hi, an hruaitu hmasa Mao Zedong thluak tluk in ropi ah ruah lio asi, Xi-Jinping nih hin October 16 hrawng ah hin, term 3 nak President a cuh than lai, amah tluk in an ram politics ah an umrih lo tluk khi asi, mah hi China politics dirhmun asi.

G-7 iton khawmnak lei ah Western Bloc zeitik can poh zong ah lungkhat tein a kal lo ruang ah, an tuah khawh mi an tuah lo ruang ah, China nih atu bantuk Debt trap policy hmang in thil an tuah mi hi, atu ah cun fiangte in an theih ve cang caah, programme ‘Partnership for Global Infrastructure and Investment’ an timi ah cun, China’s Belt and Road Initiative riantuannak tha le chanhchuah rian tuan ding in hramthawh an tim cang, China nak in a let tampi hma kan lak ah cun China Debt trap policy hi kan hrawh/doh khawh lai tiin biachahnak an tuah ve cang khi asi.

Beijing nih debt trap, hmang in Pakistan & Sri Lanka hna nih economics tha an ngeih khawhnak tiin, loans lian tak tak project hmang in an kut tang ah, thancho ve khawh lo in, hren tlat bantuk dirhmun ah an dirter khi asi, Loans tangka tampi pukter in project rian cu an mah ram nih tuan lo in, China company thiamthiam nih an tuan piak tik ah, a hlawknak cu an mah China thiamthiam nih an ngei/ngah tawn khi asi, loans pumpi rul/chamh ding long ah ram ngeitu hna caah, phur rit tuk khi an tuah piak tawn mi nih hin, khua zei ram hmanh nih thancho nak in tlakchiatnak le tuarnak hi asi ko timi hi afiang bak ko cang.

Mah China nih Debt trap polivy hmang in ram sifak rethei ter deuh deuh mi hna hi, G-7-backed PGII nih hin infrastructure & communications caah hin $600 billion 2027 tiang tangka chuapi ding ah biachahnak an ngei ve cang, mah tluk budget tangka tam cu, an hmang taktak ah cun, China nih arak eichiat cang mi ram hna cu, ngamdamnak le zalongnak an ngeih ve khawh ding ah chanhchuah an tim bik nak asi, G-7 hma laknak hi tlam atling taktak ah cun, China cu an cawlcang khawh ti lai lo pin ah, ram tampi hna nih China Debt trap policy hi an duh ti lai lo tiah, news report ah fiang tein arak phuang cawlh fawn.