Germany nih zei ruang ah dah Ukraine ah hriamnam Lian supply an duh lonak chan, Putin an tih ruang ah maw sihnga? Vawlei hi World War III rim a nam bak ko cang e,

Poland & Latvia nih cun Germany nih hriamnam lian hmang in, Ukraine a bawm duh lo cu an lung asi lo ngai ngai, Germany nih hin Russia lei ah a mer maw sihnga? Poland’s Prime Minister Mateusz Morawiecki nih Russia invasion hi asang tuk hringhran cang lio ah, Germany nih Ukraine cu hriamnam supply rih lo ding ah achim mi cu mak an tin gai ngai ko,  US, UK, Poland & Allies dang hna hriamnam le ralkap hna luhter an tim cuahmah lio ah, Germany nih hin Russia lei in Gas & energy supply an hmuh lo ah cun timi le Putin thinhunter tih in, economy nih atuar sual lai tiah an tih maw sihnga? Germany hi US ralkap hna Europe ah tampi le US Base lian bik umnak asi ko nain, EU nation’s gas imports 40% hi Russia pipeline in a lut mi khi asi.

Latvian Defence Minister Artis Pabriks nih Germany cu Ukraine hriamnam a pek duh lo mi cu “Thil tuah sual lian bik asi” ati, Ukraine nih ‘Russian-backed saboteurs’ ramri ah cawlcang timh mi pawl an tlaih tiah an chim, Germany nih hriamnam kuat aduh lo mi nih hin NATO ally Estonia nih Ukraine an bawmnak ding ah dawnkhantu asi tiah ati, Poland’s Prime Minister Morawiecki zong nih Germany lak ah a lung asi lo ngai ngai, Poland nih hin Germany sin ah Nord Stream 2 Baltic Sea gas pipeline- Russia in Germany lei a luhnak lak ah, control ding in nawl taw nasi cang, Andriy Melnyk, Kiev’s ambassador to Berlin nih Ukraine cu German warships, Russia warship hna le Black Sea & Sea of Azov ah arak khamhnak ding ah aherh tiah arak chim piak tawn khi asi cang.

Sihmanhselaw German Chancellor Olaf Scholz nih cun Germany nih Ukraine cu, medicine/Sii-ai lei le thil dang hna ah an bawm ko lai tiah ati, Ukraine development nak ca ding ah tampi kanrak bawm cang mi zong asi tiin arak chim khi asi, Germany nih hlan lio  history chim channak ngei in, Second World War can lio ah khan Russia lak ah thuk pi in thil bat an ngei timi cu achhan pakhat asi tiah asi fawn.

Vawlei buaituk cang ning hi World War III rim a nam bak ko cang e,

Ukraine tension cu atu dirhmun hi asi ko cang, Russian President Vladimir Putin le Cuba President Miguel Díaz-Canel hna cu, telephone call hmang in ram 2 hna ipehtlainak tha ngeih ding in an ti, West pawl nih a tih mi thil pakhat cu Ukraine tension hi a sang chinchin ah cun, Putin nih Cuba le Venezuela ah ralkap an kuat lai timi hi asi, East le West -Europe standoff an ngeih lio mi nih hin zei bantuk theipar dah angei lai theih asi fawn lo, Cuba President Díaz-Canel nih Putin he thlithup tein ibiakchawnh nak ngei in, ‘excellent state of relations’ an ngeih khawhnak hnga le hmailei can ah ram 2 hna thil tampi ah tuanti ding ah chim asi, Russia le West pawl buai lio ah hin Venezuela zong a um sawh sawh lo, Moscow’s Deputy Foreign Minister Sergei Ryabkov nih US & Allies hna cu Russia in pawngte ah thil an chiah tawn ah cun, Latin America lei ah Russia thil tha hna luhter asi lai lo tiah West pawl achim, U.S. national security adviser Jake Sullivan nih cun Russia nih Cuba le Venezuela ah ralkap an kuat ah cun, faktuk in ka leh hna lai ati ve fawn.