Haitians Iligal Migrants hna nih US luhtimh in Texas Bridge tangah minung 12,000 an um, Governor abuai ko cang,

Texas Governor Abbott cu alung abuai ngai ko cang, Border police hna zong an tlawmtuk fawn tik ah, Texas nih mah tluk mikhual tam cu zei tin dah azoh khenh lai? Ni fatin tein illegal migrants anrak phan peng fawn hna, Nihin ah hin minung 12,000 Haitian illegal migrants nih US chung luh beisei in Del Rio bridge tang ah tamtuk an um hna khi asi, ti ngainak um bak lo khi asi zeitin dah mah hna hi zohkhenh khawh asi lai, US President Joe Biden nih zei hmanh achim fawn lo khi asi.


Texas Governor Abbott nih cun Illegal migrants 1,2000 hrawng hi nikhat chung ah rak lut timh mi hna an si, mah hna hi khamh ding ah cun National Guard troops kalter timh asi, Texas Department of Public Safety officers hna nih an dir hmun cu August 30 US Afghan Withdrawal ah Afghan Exodus bantuk kha asi ko cang ati, Joe Biden policy hi ram chung ah siseh ram leng ah siseh atha mi pakhat hmanh a um lo ruang ah ram kip nih abuaipi ko cang khi asi tiah Texas Governor nih atu bantuk in a chim tawp ko.

Governor Abbott nih “Biden administration nih hin Afganistan Withdrawal an thiam lo ruang ah buainak atam ngai bantuk in, Atu zong ah Border venhimnak lei ah zeihmanh policy angeih lo ruang ah US nih kan buai ko cang, rian har ngai le buaipi ding mi vialte hna kan kut ah chiah tawp asi, Video Footage Fox News nih Mexico Rio Grande river in Texas luh timh mipi tampi umnak cu arak chuah rapthlak ngai khi asi, Video footage hi Fox’s national correspondent Bill Melugin, nih Texas Public Safety (TPS) helicopter in lak mi asi.


Federal Aviation Authority (FAA) nih cun Biden administration mualpho nak alang tamtuk lo ding ah tiah, Del Rio bridge tang hrawng ah helicopter le Drones hna cu zar hnih chung kalter sianh piak asi lo tiah news site ah langhter thiamthiam asi, Tukum cu US ram acoyah cu kumkhat hmanh akal rih lo nain mualpho nak long tein akhat ko cang, apoi bak ko khi asi tiin National news ah langhter asi.

Facebook