India, America, Japan, Australia-hna nih cun an timh ning in Malabar drill ngeih hram thawh asi cang,Golland Heights ah Israel nih Building sak timh mi Syria nih soisel,

India, US, Japan, le Australia ram hna nih cun tukum chung ah avawi hnihnak caah, nizan in tanh asi cang Bay of Bengal-ah Malabar naval drill an ngeih cang hna, Exercise avawikhatnak ah khan, August 26-29 ah khan Pacific Ocean-ah Guam Island kar ah ngeih asi, mah lio ah hin destroyers, frigates, corvettes, submarines, helicopters, long-range maritime patrol aircraft le elite special forces US Navy SEALs le Indian Navy marine commando-hna an tel khawh dih khi asi.

A vawihnihnak ah hin Indian Navy nih INS Ranvijay, INS Satpura, P-8I long-range maritime patrol aircraft le submarine-hna an chuahpi khawh, US Navy nih hin aircraft carrier USS Carl Vinson, USS Lake Champlain le USS Stockdale hna an chuahpi fawn, Japan-nih JS Kaga le JS Murasame chuahpi in, Royal Australian Navy nih HMAS Ballarat le HMAS Sirius-hna cu drill caah hin an chuahpi fawn hna khi asi.

Malabar exercise hi kum 1992 in India le US-nih naval exercise bantuk in kum fatin ngeih ding in hram thawh asi, kau deuh in ahuam khawhnak ding ah, avawi khatnak caah kum 2005 ah khan India le US Navy aircraft carrier-hna an tel cang hna, Kum 2014 ah khan Japanese Maritime Self Defence Force cu member fek si ding in lak than asi, nikum in cun Australia nih hin arak joint ve fawn, Kum 2020 November thla ah khan Arabian Sea le Bay of Bengal-ah Malabar execise min in, naval drill ropi ngai ngai in anrak ngeih fawn cang hna.

Goland Heights-ah Israel nih minung umternak ding ah building sak timnak cu Syria nih anrak soisel piak,

Israel prime minister Naftali Bennett-nih Israel mi hna umnak hmun, Golan Heights-ah Juda hna umnak ding ah, building sak chih ding ah timh asi tiah achim mi cu, Syria foreign ministry nih arak soisel piak, Syira ministry nih Israel PM bia chim mi cu leh in, Golan hmun cu Arab le Syria ram a asi peng lai, zei tiphun zong hmanh ah danglamter/thlengter asi lai lo tiin a chim, Israel-nih a ram umnak caah hma laknak dang dang hna cu umzia ngei lo le pawm piak khawh asi lai lo tiin a chim.

Israel-nih Golan Heights um than chihnak ding hi donkhan ding le an ruahman mi hna tlamtlingter lo ding in, Syria army-hna cu an ready peng asi ati, Kum 1967 idohnak ah khan Israel nih hin Golan Heights, West Bank le Gaza Strip-hna lak in atu tiang umnak ah an hman peng, Nikhat ni ah khan PM Bennett nih cun Goland Heights-ah Israel mi hna umnak ding hmun pahnih in sak chih atim tiah phuan asi.