India nih hin defence export lei ah athangcho cuahmah ko cang, atu ah hin defence lei ah tangka chiah mi le an hmuh mi hi turu tuk cang khi asi arak men ti lo,

India defence export cu kum 2016-17 ah khan Rs 1,521 billion a asi lio ah kum 2020-21 ah cun Rs 8,434 billion bak asi, kum 2018-19 ah khan export fawnh mi cu Rs 10,745 billion khi asi, Government of India nih defence export target tuah in kum 2025 ah cun Rs 35,000 billion ($5 billion) chiah khawh an timh khi asi, Defence export kong ah Rajya Sabha bia halnak cu, Minister of State for Defence Ajay Bhatt nih “Major defence items ram dang ah kuat mi hna hi strategic reason ruang ah an amin kan langhter kho lo tiah ati.

Swedish think tank Stockholm International Peace Research Institute (SIPRI) nih Indian company pathum hna cu, kum 2020 defence company ranking top 100 ah an lang kho tiah chim in, mah hna cu Hindustan Aeronautics Limited (HAL), Ordnance Factory Board le Bharat Electronics Ltd (BEL) hna an si, “hriamnam an zuar mi fawnh in $6.5 billion hrawng an hmuh, kum 2019 nak in 2020 ah an zuar tam deuhnak cu 1.7% hrawng in atam tiah report ah langhter asi, Kum 2011-15 le 2016-20 karlak chung in India nih hriamnam an lak luh mi aniam deuh tiah, SIPRI hna nih an chim fawn, cu hmanh ah India cu hriamnam lak luh lei ah asang bik chung ah an um thiamthiam tiin, defence exporter ah Top 25 ah a um fawn khi asi.

Aero India 2021 ah Indian Ocean Region Defence Ministers conclave ngeihnak ah Defence Minister Rajnath Singh nih India nih cun missile system dang dang, hrang LCA/helicopters, multi-purpose light transport aircraft, warships and patrol vessels, artillery gun systems, tanks, radars, military vehicles, electronic warfare systems le weapons systems dang dang hna cu, IOR nations hna sin ah cawkter ding ah rem an ti piak tiah a chim, Tukum February thla ah khan Prime Minister Narendra Modi nih geopolitical ithleng peng asi caah ram hme mi hna nih security ngeih an duh ve ruang ah, aman tlawm deuh siin high-quality production si fawn mi tuah khawh ding ah, India lei ah cawk an duh mi asi ati.

Ram 40 leng hna sin ah hriamnam kan cawkter cang, atu ah cun global exporter kan sic ang  tiin a chim, Indian Ocean pawng ram hna he capacity building le capability enhancement lei ceihtinak cu biapi bik ah ngeih asi, Navy nih lam ahruai hna, Vietnam nih India tuah mi Fast Attack Craft 12 hna cu $100 million in an cawk piak cang fawn, mah pin ah hin $500 million man cawk than an duh fawn, Vietnam nih India tuah mi thiamthiam Advanced Light Helicopter le Akash surface-to-air missiles cawk an tim fawn khi asi.

Defence Research and Development Organization, Hindustan Aeronautics Limited (HAL) le Bharat Electronics Limited hna nih cun ram dang ah kuat ding ah hriamnam an tuah mi chung ah, HAL nih an helicopter tuah le Tejas LCA hna cu Southeast Asian le West Asian ram hna sin ah zuar piak an tim fawn, Tejas LCA hi Malaysia zong nih cawk an tim tiah chim asi fawn, mah pin ah hin India le Russia hna nih an tuah mi BrahMos supersonic cruise missiles cu Southeast Asian ram hna nih cawk an tim fawn tiah chim asi.