Iran nih US Taza a cuai mi cu UN Court nih a cohlan, US Sihni pawl an thinhang tak tak

2018 ah Donald trump admin nih Iran nuclear deal an chuahtak mi le hremnak an pekmi kongkau ah Iran nih taza a rak cuai mi cu United Nations biaceihzung sangbik ah luhpi asi cang. Cun Biaceihzung zong nih Tazacuainak hi an cohlan cang tiah tuni ah khan an chim.US Sihni (Lawyer) pawl nih cun Iran Tazacuainak hi International court of justice ah chuahpi tlak asilo. An nawl ngeihnak asi lo pinah pawm khawhlo mi asi tiah an langhter ve. Mahlioah Biaceihzung president Abdulqawi Ahmed Yusuf nih cun US Lawyer pawl biachim hi a cohlan duhlo.

Donald Trump nih 2018 ah Iran nuclear deal a chuahtak hnu le phihkharnak phun phun a tuah tlawmpal July 2018 ah khan Iran nih tazacuainak a rak chuahpi. Mahlio caan ah khan US nih cun Iran Oil caw tu ram dang pawl zong fak ngai in a rak tlerh hna. Nan Oil  lakmi nan tlawmterlo ahcun US nih a tawlrel lai, phihkharnak zong kan in tuah hna lai tiah a rak hro hna.

US nih Iran cungah phihkharnak  a tuah mi hi Kum 1955 an sermi Treaty of Amity phunglam kalh asi tiah Iran nih US sual a phuh. Court nih tazacuainak an cohlan cang caah zeitindah a phi an chuah lai timi cu chim khawh asi lo. A kum zong a rau men lai. Ram pahnih buainak le hnursuan peng mi cu Dan hmangin zoh asi te ko lai hih. Laknak Source: Lahninh News