Israel a sum kho tilo, Biden hruaimi US Cozah cu a Hro Ko Cang

2015 Iranian Nuclear Deal ah US luhthan a timh ruangah Israel a sum kho tilo, ralrinnak a chimbak ko. Tehran tuk ding le cawlcanghnak kham dingin kan ralkap hna nih khuakhannak an kalpi cuahmah lio asi tiah Israel Army chief Lt Gen. Kochavi nih fiang ko in a chim cang. Tel Aviv university Institute for national security studies hmun ah biachimnak a ngeihnak ah Kochavi nih cun United state of America nih 2015 Iran nuclear deal ah luhthan a timhmi le a kir than mi cu a pawi tak tak si.

2015 nuclear agreement an sermi hi zei lei hmanh in thahhnemnak a ngeilo. US kirthan a thimh mi hi kan cawlcanghnak le tawlrelnak dawnkhantu sawh sawh asi tiah january 26 ah a chim.US President Donald Trump nih 2018 lio aha  rak chuahtak hnu le phihkharnak le hremnak fak taktak Iran a rak pek hnu in 2015 nuclear deal hi chimceih a tam ngai. Kan theih bantukin JCPOA hi Iran, US, China, Russia le Germany hna nih remnak minthut in 2015 ah an sermi arak si. 

Mah remnak nih an i timh cemh mi cu Iran nih nuclear hriamnam a ngeih khawh lonak dingah Uranium a hman khawhmi limit tuah piak le Iran sinah hremnak an pektawnmi donghter arak si. Iran nih cun mipi thanchonak ca lawngah Uranium cu hman dingin minthutnak a tuah. Donal Trump nih Iran timh le thiltuah mi a theih ruangah Iran nuclear deal in US cu a chuahpi. Iran nih cun Uranium thilri cu missile tuahnak caah le a pawngkam tapung pawl bawmhnak caah a rak hman diam.

Biden nih luhthan a timh tikah Israel a sum kho tilo, Biden nih nuclear deal ah luhthan a timh mi cu kan i timhtuahnak le riantuannak vialte dawn khantu asi. Iran nih nulcear programme a kalpi mi hi cohlan khawhlo mi thil tihnung asi. nuclear hriamnam karhtertu men asi lai ati. Credit: Daily hunt