Israel history ah vawikhatnak caah PM Bennet UAE ah, Cun Israel nih Air Force One Wing of Zion cu PM hman ding ngeih asi,

2019 ah President Donald Trump le PM Netanyahu hna hma laknak ruang ah, Arab ram 3 hna nih Israel ram he iremnak an tial/sign mi cu ‘Abraham Accord’ kha asi, mah nih khan Israel ram caah thiltha achuahpi deuhdeuh khi asi thluahmah ko cang, Nihin ah hin Israel History ah a vawikhatnak ah Prime Minister nih Abu Dhabi a tlawng khi asi, PM Bennett hi Foreign Minister Abdullah bin Zayed al-Nahyan le honor guard hna he ropi ngaingai in Airport ah an rak dawn hna, Bennett nih bin Zayed, sin ah ‘Israeli leader hna chung ah nan ram tlawng hmasa biktu na kan dawn ning le mikhual na kan zohkhenh ning ah lungawinak tampi ka ngei tiin achim! Alawmtuk hringhran khi asi.

UAE’s de-facto leader, Abu Dhabi Crown Prince Sheikh Mohammed bin Zayed Al Nahyan, unaupa hi Emirati foreign minister asi, an unnau nih hin UAE khawkhan lairelnak ah thil pawimawh deuh deuh mi an tlaih hna khui asi, Israel le Gulf ram hna nih hin Iran Nuclear deal, Bahrain, Sudan, & Morocco hna le Israel he relationship kal peng ding ah chim asi lai, cun ram 2 economy lei zong ah hmalak ding tampi chim ding ah an zumh hna fawn, Israel le UAE hi iremh te in an kal asi ah cun hmailai ah ram thangcho mi an si ko lai tiin UAE Foreign Minister Abdullah bin Zayed al-Nahyan nih ati.

Israel nih Air Force One Wing of Zion PM hman ding cu,

Zar hmasa ah khan Israel Aviation authorities hna nih Israel’s version of Air Force One / ‘Wing of Zion’ timi cu “flight certificate” an pek, mah vanlawng dubbed “Wing of Zion” hi  NIS 750 million ($241 million) man hrawng asi, Israel officials PM le President hna khual tlawngnak ah hman ding asi, Hebrew media report ning in Prime Minister Naftali Bennett & President Isaac Herzog hna ram leng ah tlawngnak ah a hman rih lo khi asi, Prime Minister’s Office nih approval tampi a pek hmanh ah Israel mipi taxpayers hna tangka hman duh lo ruang ah zuangter rih lo in a um rih khi asi.