Israel nih vawikhat ah Missile tampi arak lut ding mi cu ven/kham khawhnak Defense system sangtuk mi le Kum thum hnu ah a vawi khat nak ding ah Israel nih budget an pass mi cu,

Israel nih May thla ah ni 11 chung Gaza strip he an idoh, atu ah cun Hezbollah he an idoh kong ah cawnnak war games an dih cang, Israel nih hin Iran Nuclear Programmes hmunpi thuat ding ning lam hna cu ready lio cuahmah asi cang, tu zar ah khan an ral hna missile tampi arual in arak lut ding mi cu,  ahmasa nak in kham/ven khawh ding ah massive inflatable missile detection system an test cang.

High Availability Aerostat System an hman mi hi Defense Ministry nih mah bantuk system chung ah vawlei cung ah alian bik defence system hi state-owned Israel Aerospace Industries & TCOM, U.S. aerostat manufacturer hna he tuah mi asi, a turu bak ko hih!

Kum thum hnu ah a vawi khat nak ding ah Israel nih budget an pass mi cu,

Israeli parliament nih can sau ngai anrak hngah mi an ram budget cu, can dongh dengmang cang tiah pawm khawh asi cang, Can sau ngai khawkhan lairelnak ah an chim hnu in vote thlak asi, Nizan zing tuante ah khan kumthum chung budget ngeih than hmasa bik hi pawm asi, November 14 tiang budget hi pawm khawh lo siselaw June thla ah an lak luh mi, Naftali Bennett hruainak acoyah cu hrawh in thimnak thar tuah ding asi lai khi asi, Prime minister kal chuak cang, Benjamin Netanyahu caah tlin thannak can asi lai cu.

Bennett-nih cun Twitter-ah, “Kum tampi buainak um lio in acoyahnak kan tuah mi asi, Delta variant tei in atu ah cun Bawipa ka lawm e tiah ati, Israel caah budget kan pass than cang,” tiin a tar lang asi, Bennett- le Netanyahu-nih hin budget hi zan khuadei tiang chim asi hnu ah vote lak ding an duh ve ve khi asi, chim relnak ah hin faktuk in an ithuat hna fawn, June thla ah acoyah tuahtu hna party pariat hna tangti in kum 15 hrawng an ram arak hruai cang mi, Netanyahu-hlonh ding hrimhrim ding ah tangti an si, Assembly-ah member 120 umnak ah supporttu 61 te he atling mi asi ko khah.

Israel politics hi April 2019-ah ithim hnu ah khan an buai ngai khi asi, Right-wing party nih Netanyahu-hi ram caah thil tha lo titu phun in acawl cang ruang ah, buainak case ngei asi ruang ah acoyah tuah pi an duh lo khi asi, A hnu kum hnih chung ah hin vawi li ithimnak a um cang kum 2020 zong ah khan budget pass khawh lo asi caah, parliament cu hrawh arak si cang, Bennett-hi ultranationalist Yamina (Rightwards) party hruaitu a asi, Palestinian-hna nih ram adang tein ngeih mi hi doh bak tu kha asi, a can chung ah hin Palestinian Authority hna he ibiakchawnh an duh bak lo mi asi.

An ram ei/din ah dinhmun cawisangter hi biapi bik ah achiah ko, Israel nih hin tu zar chung ah hin Palestinian-hna umnak ah West Bank-ah cun umnak 1,300 leng sak dih timh asi, A hmasa ah ning cang lo in, mah hmun ah um mi hna caah in 3,000 leng anrak sak cang fawn khi asi, Europe ram chung in ram 12-hna nih cun Israel hi an ruahmannak hi idin takrih ding ah ati, mah bantuk ah In sak kalpi mi nih hin Palestine he an kar lak ah remnak um lotertu asi khawh caah cun, In sak cuahmah lio mi hi idin tak rih ding in Europe ram 12 hna nih cun Israel hi nawlnak atuah tiah thei asi.