Israel nih vawlei tang ah Gaza he idannak ding ah fencing wall/bang an tuah dih cang ropi bak ko,

Israel nih cun Gaza he idannak cu, vawlei tang ah ‘iron wall’ a atuah mi cu, kum thum le a cheu hnu ah an tuah dih cang tiah an chim, Kum 2014-ah Gaza Strip-ah khawkhan lairel lio, Palestinian ralhrang pawl Hamas-hna nih vawlei an verh nak chung in Israel an thuat hnu ah, Israel nih vawlei tang ah idannak/fencing wall bang tuahnak rian hi anrak kalpi kha asi, mah project kalpi a sinak kong zong hi Israel nih a thuh pheh bak lo khi asi, vawlei tang ah hmanrua than gai ngai hna hmang in fencing wall atuah pin ah, vawlei cung zong ah bang/wall hi tuah asi, tipi lei zong ah wall hi tuah asi, mah cu radar systems, command le control room-hna tuah asi ding mi hna zong kum 2016 ah khan arak chim cang kha asi.

Israel defence minister Benny Gantz nih ministry cathanh tuahnak ah, vawlei tang ahidannak/bang tuah mi cu, Engine tu lio technology sang ngai hmang in, tuah mi asi tiah an chim fawn, vawlei tang ah fencing wall an tuah mi hi km 65-a sau asi, camera, radar le Engine dang 100 leng chiah asi fawn, fencing wall tuahnak ca ding ah hin Iron/thir le steel ton 140,000 an hman bak ko ropi taktak khi asi, vawlei cung lei ah wall/bang an tuah mi zong hi feet 20-a sang asi, tipi lei zong ah an tuah, mah pin ah hin upadi ning cang lo in tipi umnak karlak te ah athlithup in Israel ram chung ah luh tim mi hna thei khawhnak ding ah, hmanrua than gai mi chiah tel asi fawn khi asi.

Gaza Strip nih hin Egypt he ramri km 14-a sau an ngei tel fawn, ramri kaltlang in Hamas-hna nih drug/ritsi hna luhter ding ah, vawlei an verh mi zong kum 2013 in Egypt ralkap hna nih cun, arak chiatter piak tawn khi asi, mah hna vialte cu Israel nih anrak thei dih ko caah atu ah cun a let tampi tha in ramri ah fencing wall/bang an tuahnak chan zong asi, atu ah cun Hamas ralhrang pawl cu an duh ning in an cawl cang khawh ti lai lo khi asi cang.