Japan nih Nuclear Power plant nunter than asi cang, Ram caah atha lei le atha lo lei chim a um tawn mi, Daw Aung San Suukyi Court case dirhmun cu,

Japan Prime Minister thar cu Parliament ah Opposition lei nih zeiruang ah, nuclear power plants nunter than asi tiah bia an hal? 2011 ah Fukushima disaster a phan lai tiah kan tih ruang ah kan idin tak cang, nain atu lio vawlei ah hin energy herhnak asang chinchin cang caah, nuclear power plants hi kan nunter than mi asi tiah aleh, 2011 ah khan Nuclear energy restart an tim  ko nain, Lirhnginh/ Earthquake an ram ah vawi tampi aphan pin ah, tsunami atuah tam in vawlei ah nuclear accident an ngeih mi asi, Japan’s nuclear power plants vialte hna shut down an tuah mi asi, atu ah energy kan ram nih aherhtuk cang pin ah hriamnam lei ah karthlang kan herh fawn caah nunter than mi asi tiah an prime minister thar nih ati.

Ram caah atha lei ah chim a um lio ah atha lo lei ah chim a um fawn, Daw Aung San Suukyi hi atu ah court case dirhmun cu,

Myanmar democracy dirtertu Leader Daw Aung San Suu Kyi le President hlun Win Myint-hna cu, Covid-19 zawtnak pendamic ah Upadi buar tiah Military nih an puhnak cu, asi lo/adik lo tiah lawyer-hna nih cun a chim, Hruaitu pahnih hna hi nikum ah thimnak an ngeih lai ah khan virus zawtnak ruang ah mipi vennak ding lockdown Upadi abuar tiah chim in, Disaster Management Act tang ah case tuah piak veve asi, mah case ah hin an sung ah cun kum thum tiang Jail ah tlakter khawh asi lai.

Naypyitaw-ah special court nih ning cang lo in, ram dang in walkie-talkie lak luh le license ngei lo in radio hmannak, Bia dik lo in midang hna fawrh tiah Suu Kyi puhnak dang zong investigation tuah asi fawn, Buainak chuahtertu lei ah bia achim tiah puh mi Suu Kyi, Win Myint le Naypyitaw mayor hlun Mao Aung-hna nih thla hmasa ah khan a dik lo bia asi tiin achim cang, Suu Kyi lei tang mi hna le independent analyst-hna nih cun an puhnak hna hi adik lo ati, Suu Kyi- minchiatter timhnak le hmalaknak asi, ralkap khawkhan lairelnak cawisang duhnak asi tiah an ti.

Suu Kyi hi eihmuar case tuah piak asi fawn, mah zong hi asung ah cun kum 15 tiang jail ah tlak khawh asi lai, Official Secrets Act buar tiah puh asi ruang ah, fainter asi fawn lai, mah ah hin asung fawn ah cun kum 14 thongtlak asi fawn lai, Nikhat ni ah khan judge nih kum 76 asi cang mi Suu Kyi-nih zarkhat ah vawikhat trial tawn mi cu zarhnih ah vawikhat trial ding in hal asi nain pawm piak asi lo, Suu Kyi nih hin court-ah kal peng ruang ah ataksa aba/ader nak cu thadam deuh ding in zarhnih ah vawikhat kal ding ah an hal piak mi asi.

Daw Aung San Suu Ky- lawyer, Kyi Win zong nih zar fatin tein court ah kal cu, Suu Kyi hi tha aba ter ngai ngai khi asi ati, a lawyer-hrimhrim zong an ba ngai ko tiin achim, mah caah cun zarhnih dan ah vawikhat kal ding in nawlnak atuah mi asi, Asi nain Judge nih cun rem ati piak lo khi asi, kanpi Suu kyi cu kum 76 asi cang zangfak bak khi asi cang.