Japan PM hlun Shinzo Abe thahnak kong ah thil fiang ngai in Doctor nih aruang achim athattu pa nih Abe cu aduh ning asi lo thah aduh tiah achim fawn,
Japan PM hlun Shinzo Abe thahnak kong ah thil fiang ngai in Doctor nih aruang achim athattu pa nih Abe cu aduh ning asi lo thah aduh tiah achim fawn,
8.July.2022 :- Nihin zing lei ah Japan Prime Minister hlun Shinzo Abe nih Parliamentary Election, rak um ding ah City of Nara hmun ah Election campaign ngei in, mipi hna hmai ah bia achim lio kah asi mi nih cun, Japan ram chung long si lo in, vawlei ram dang dang hna zong ah mah thawng pang nih, rangtuk in aden bak cawlh ko, ram dang dang hruaitu hna nih cun mah thil cang mi hi an soiselnak le PM hlun Abe cu an tuarpi kong an chim hna khi asi, an kal tak a chung zong an tuarpinak kong chimnak long te in social media ah akhat bak ko khi asi, Prime Minister Narendra Modi zong nih atuarpi nak kong achim ve fawn, Shinzo Abe hi Tokyo in vanlawng he kal in km 480 hlatnak city of Nara ah hin election campaign ngei in, Bia a chim lio Japan ram suimilam zing 11:30 ( 02:30 GMT) ah khan meithal kuan pahnih arak kah mi asi, a tlu cawlh ve, a rankhawh nak chung in hospital ah chiah cawlh asi, zan le Japan ram suimilam 5:03 ( 08:03 GMT) ah khan a hriamhma tuar in athi kha asi.
Aho dah asi PM hlun kaput kha? PM hlun Abe kaptu a puh tlaih cawlh asi, amah hi City of Nara ah um mi asi, a Min cu Tetsuya Yamagami (kum 41) a si, Japanese Navy – Maritime Self Defence ah kum 3 arak tuan cang mi asi, Yamagami nih cun tlaih asi hnu ah Police sin ah aphuan ning cu, PM hlun Abe cu a duh tuk lo kong le thah aduh kong zong a chim ko, Abe hi a hnulei in kah asi, meithal kuan pahnih a taksa ah a lut mi asi, PM hlun Abe kaptu ah puh mi Tetsuya Yamagami nih hin tuahchawmh mi meithal a hmang tiah tar la nasi, meithal akah hnu ah hin meithal cu vawlei ah ahlauh cawlh tiah, Reuters news nih achim PM hlun Abe kilhventu security hna cu rangtuk in cawlcang cawlh in, Yamagami hi an kulh ve cawlh, tlik atim lio bak ah an tlaih khi asi fwan tiah news site ah langhter asi, mah meithal apuah hnu ah hin, Yamagami nih hin security hna nih an tlaih hnu ah, investigator hna sin ah an iphuannak ah PM hlun hi a kah a si timi kong fiang tein achim ko tiah ati.
Mi thah case ah Yamagami hi tlaih asi hnu ah custody ah chiah cawlh asi, lainawng case tuah pia kasi, kum 100 chung ah mah bantuk thil cang mi vawikhatnak asi, PM hlun Abe hi Japan Prime Minister sau bik taunt le PM kum note ngakchia bik dirhmun cangtu zong asi, atu hi kum 100 chung ah sitting or Former Premier of Japan kah/thah tim vawikhat nak asi kong Reuters nih tar la nasi, meithal kuan riantuan nak ah, PM hlun Abe hi meithal kuan a taksa ah lut mi nih hin a lung/kal achiatter tiin a zohkhentu Doctor nih cun a chim, meithal kuan pahnih aluh hnu ah hin a taksa chung in thisen achuak cawlh, ahram te ah cun thil theihnak angei rih, nain ahnu deuh ah cun a taksa aba tuk cang tiin Dr nih achim fawn, suimilam 4 leng Doctor nih an zoh khen chung ah hin thisen unit 100 an pek manh tiah Dr nih achim, nain hriamhma hi afaktuk caah chanh manh asi ti lo caah Japan suimilam 5:03 ah khan a thi tiah Doctor nih achim.
Japan Prime Minister si lio Fumio Kishida Bia chim cu, Japan Prime Minister Fumio Kishida nih, thil sual tuahtu hi fak ngai in asoisel pin ah, mah thil tuahtu hi a mawlhnak le a hrutnak thil tuah mi asi, a lungthin ah thilchia ngei mi thil tuah asi, Ngaihthiam khawh lo mi thil tuah asi tiah ati.
xxx