JOE BIDEN US President a si bak in Tuah aa Timhmi Thil Tha

US ummi caah thawngpang tha taktak Biden nih a van thanh cang. Cucu zei kan ti ahcun Biden nih US President rian a ttuan bak in US ram ah minimum wages cu Suimilam pakhat chung ah $15 a si lai tiah a chim. A sullam cu nichiar phaisa kawl aa hlawhmi vialte nih a tlawm bik ah suimilam pakhat ah $15 dollars nan lak khawh cang lai. A cunglei kha cu a tamlei deuh zong a si kho. Asinain a tlawm bik ah Suimilam pakhat ah $15 nak tlawm a si kho lo ti nak a si. Thawngpang tha bak a si.

Joe Biden nih US President rian a ttuan hlan bak ah tuah a timh mi pawl a van langhter cang. Covid19 ruang ah US ram pumpi nih harnak fak pi a tong. An economic zong a rawk taktak. Cu lawng siloin pumpak cio zong Covid19 ruang ah harnak a tongmi tampi an um cang. Trump nih US Bawmhnak $2000 tal siseh a timi cu Biden nih a van second pi ve cang. A tanglei ah tling deuh in van rel.

Biden nihcun tutan Bawmhnak um dingmi hi “America Rescue Plan” tiah an auh. Cun Covid19 bawmhnak caah $1.9 trillion bak a phozar. $1.9 trillion bak Covid 19 ruang i harsantnak phun phun ummi caah hman a timh. Hi chung ah hin US Bawmhnak kan ti tawnmi kha $1400 checks zong aa tel. US bawmhnak hi $2000 tal siseh a ti bantuk in US ummi paoh nih(US citizen) $2000 cu nan ngah khawh lai. Asinain zahan nai ah khan $600 cu nan ngah cang caah $1400 lawng nan ngah canglai tinak khi a si.

Cun Biden nih a peh rihmi cu US economy cu kan thawnter lai tiah a chim. Cu lawng siloin 100million vaccine cu ni za 100 chung ah kan pek hna lai tiah a chim fawn. Cun minimum Wages ah suimilam pakhat (1hr) cung ah $15 a si lai tiah a chim fawn. Hi hi Laimi chungin nan um men lai, nifaten aa hlawhfa mi caahcun thawngpang tha bak a si.

source : WILMINGTON