Joe Nih Trump Hi Tei Dengmang In A Sung Te Lai.

Trump caah ruahchannak pakhat cu a um rih ko. Sung ding ah ruah cio a si nain chim khawh a si rih lo. Atu tiang an dirhmun hi Biden nih 264 bak a hmuh cang. Trump belte nih 214 lawng a hmuh rih. Asinain election a dih rih lo. Hi ti hin langhter a si:- Joe nih 95% a tei cang nan timi hi ka khuaruahhar tuk. A dongh tiang kan zoh hna lai mu. ..Nevada khi atu an dirhmun ah dingthlu a si i zahan zan in vote an relmi 75% peng a si a kai bal lo. Cucaah a phen ah thil zeidik a um ti a fiang. Tutan thimnak cu Trump ta a si ko Official in an phuan hlan poh zumh ding si lo. Joe nih Trump hi tei dengmang in a sung te lai. (Tluang Ceu Thang)

(Mah capar hi van rel chap) Donald Trump a tlin le tlin lo cu Nevada ah tampi aa hngat. A tu ah hin Biden nih 264 electoral votes bak a hmuh cang. Mah lio ahcun Donald Trump nih 214 electoral votes a hmuh ve. Biden nih Nevada ah a tei than ahcun US nih President thar a nei cang lai. Neveda ah hin Electoral vote 6 a um caah Biden nih a tei ahcun a pumpi ah Biden nih 270 votes a hmuh lai caah President thar a si lai.

A tu tiang Nevada vote an rel ning cu hi bantuk hin a si. Nevada ah vote pumpi ah 75 % cu an rel dih cang. Mah ahcun Biden nih a tei deuh rih 49.3% a hmuh cuahmah lio asi. Mah lio ahcun Donald Trump nih 48.7 % a hmuh ve. Thinphang ngaingai cu a si bak ko. Nevada ah hin Biden nih a tei rih caah thinpang ngaingai khi asi. Nevada ah Trump nih a tei ahcun Trump caah ruahchan nak a um rih lai caah thlacam in rak bawm cio ne ko uh.

(Mah capar hi Zahan i kha asi) US President thimnak cu a hlankan in thimfung an kuatmi cabawm mail voting ruangah atu tiang thimfung an rel thlu kho rih lo. Democrats minung tam deuh nih cabawm, mail in vote thlak dawh an si. Republican nih hin thimfung kuang bak ah thimfung thlak dawh an si.

Atu tiang an dirhmun ahcun Biden caah ruahchannak a hung tha than. Electoral college vote 270 a duhmi chungah 238 a hmuh cang caah electoral vote 32 lawng ngah a herh cang. Michigan electoral vote 16 le Wisconsin i electoral vote 10 a hmuh ahcun Joe Biden 270 a tling lai tei khawhmi dirhmun a phan kho. Mah hmun hnih ahcun Biden vote tlawmte in a thawn lio a si. Biden nih Wisconsin i a sungh sual asilole Michigan i a sungh sual ahcun a dih bak ve lai.

President Donald Trump nih electoral vote 270 a herhmi chungah 213 a hmuh cang. A dang electoral vote 57 a herh rih. Cucaaah President Trump nih atu lio i a tei cuahmahnak Pennsylvania electoral vote 20, North Carolina 15, Georgia 16 le Alaska 3 a laak hmanh ah hin 54 lawng a si i, a dihlak electoral college voite 267 lawng ngah dawh a si. Cucaah Michigan hi Trump nih a tei hrimhrim a herh ve. Michigan a teimi poah nih President tlin dawh a si.

Credit : Salai Lairamthang