Kan vawlei boruak hi atha ti lo ram 2 idohnak hi remdaihnak lei si lo in azual chinchin pin ah tih anung mi hriamnam hman sual phan a um tuk cang,

Russia Vladimir Putin nih Nuclear Traids hna ready ding ah nawl apek ah khan, vawlei nih an lau bak ko khah, atu ah US nih Flying Pentagon US Nuclear Command khawh tu Europe ah an chiah lio, kan boruak hi hnangamnak cu asi ti lo, Russia Ukraine invasion ah hin Putin nih nuclear Forces hna ‘special alert’ ah a chiah North Atlantic lei ah submarines tampi an kalter fawn, British navy chiefs hna nih Putin nih  submarines rual ballistic missile 16 ceu ken khawh mi arak chiah ah hin, vawlei hna angam ti lo khi asi.

John Kirby, Pentagon spokesman nih Russia nih Nuclear Weapons hman an timnak a um sual lai timi kong ah G-7, NATO & EU hna nih cun Putin nih Nuclear Weapons Ukraine ah an hman khawh tiah an warning peng khi asi, NATO nih Ukraine ralkap hna cu, Nuclear Weapons lak ah ivennak ding hriamnam an pek lai tiah ati, The Kremlin nih cun US nih Ukraine ah Bio-labs an ngeih mi thuhpheh timnak asi tiah an ti piak, Analysts cheukhat hna nih Putin nih Submarines in Nuclear Weapons an hman duh lai tiah an zum hna lo, cheu khat nih target deuh angei lai tiah an zum fawn, Western officials hna nih Putin nih Nuclear Weapons a chim pengnak chan hi, Ukraine ram chiatter dih ding si lo in lak dih an timnak asi tiah an ti.

CNN nih vawi 3 hrawng Dmitry Peskov, Putin’s spokesman sin ah Nuclear Weapons an hman le hman lo an halnak ah, vawi 3 umzia ngei lo in aleh hna kha asi, Biden nih Russia nih biological or chemical weapons/ Nuclear an hmang khawh tiin warning apek peng fawn, The Bulletin of Atomic Scientists, Federation of American Scientists chung in experts hna nih Russia’s nuclear arsenal update an tar ning ah cun, vawlei cung ah Nuclear weapons an ngeih zat ning an langhter ning cu:-

Russia nih angeih mi Nuclear warheads 4,477 ah an chiah piak, mah chung ah 1,588 hi strategic warheads ballistic missiles & heavy bomber bases in kah chuah khawh asi, The Bulletin nih hin 977 strategic warheads, & 1,912 nonstrategic warheads Russia nih a ngei fawn tiin an theih, Cun UK stockpile -225 nuclear warheads an ngei, US nih 5,428, an ngei, France nih 290 an ngei, Pakistan nih 165 an ngei, China nih 350 an ngei, India nih 160 an ngei, Israel nih 90 le North Korea 20 an ngei tiah, Nuclear Warheads an ngei ning tiin atu bantuk in news report ah an langhter mi asi.

Ukraine Invasion May 9 ah adih lai tiah an zum, Armed Forces of Ukraine hna nih cun Russia nih World War Two lio ah Russia nih Nazi hna an tei ni May 9 ah Putin nih Ukraine thuat/doh hi an duh tawk cang ko lai an ti, an zumnak sawh sawh asi ko, The general staff of the Armed Forces of Ukraine nih Russian propaganda chung ah kum chiar in kan hmuh tawn mi, Moscow’s Red Square ni ah hin beisei nak a sang ngai “Information kan ngeih mi armed forces of the Russian Federation, propaganda air units, airborne troops hna an sungtuk cang, hriamnam le ralkap hna he, Russia cu an sungnak zong asang tuk cang an ti, Ukraine nih Crimea, Russian brigade 100 an thi cang an ti, Ukrainian Armed Forces update ah Russia ralkap Dokuchaivsk, Donetsk region ah Mariupol in mipi zamtim mi hna caah ‘filtration camp’ an tuah piak fawn tiah theih asi.

Russia General sualtuk mi The Butcher og Mariupol ah athi than, Russian Colonel-General Mikhail Mizintsev hi mi rapthlak asi, amah ruang ah Mariupol Childrens Ward & Maternity Ward hna bomb asi, Nu le fa puai mi hna tiang, ngakchia dam lo nau chuah ka te hna cu, Russia Missile kahnak building in an zam tak mi hna kha, ralthlak ngai mi asi, Russia’s National Centre for Defence hruaitu bik Mizintsev nih hin 2016, ah khan Syria lei ah Russia’s military strategy zong ah a rawlh ngai ngai mi asi, Aleppo hospital ngakchia ward etc bomb tertu kha asi fawn, mah tluk General sual cu Pathian nih aduh lo asi lai, atu ah cun Ukraine Ralkap kut ah athi ve bak ko cang khi asi, apoi lo ah kan chiah te ko lai mu!