Kawl Ralkap Botor pawl nih uknak an lak nak kongah Taluk a holh ve cang

Zantim le khawmang ah mifir zia bang cawlcang in a ram mipi tihzahnak le dawtnak ngei baklo in Nawl ngeihnak a mah le mah a petu Kawl ralkap hna nih hin ngaihthiam khawhlo thil sual an tuah. 55 million mipi ruahnak le duhnak samfa tia  zong zul duhlo in an mah Aa-Naa lawng ruatmi Kawl ralkap bawtawr rual hna hi ngaihthiam ding cun kei ka nautat deuh ko. Myanmar Cozah le ralkap cungah nawl ngeihnak a ngei tawnmi China nih tulio Myanmar dir hmun kong ah an lungput an langhter ve. Ralkap nih uknak a lak hlan ah China Forgein Minister Wang Yi cu Myanmar ah a rak tlawng i; Min Aung Hlaing le Suu Kyi a rak ton hna.

Ralkap nih nawl ngeihnak la hna sehlaw; zeitindah nan tuah lai tiin China Forgein Minister Wang Yi cu Myanmar a rak tlawn lioah an hal i; a let hna loh. Ralkap nih uknak an hnu lawngah China Forgein Minister nih an lungput an langhter. “Myanmar le China cu hawikom tha kan si; Myanmar buainak ah fiang deuh in theih kan i zuam lio asi. Phunghrampi ning tein buainak hi a phi rak kawl uh; upadi ning tein nan tuah khawh ko lai tiah zumhnak kan ngei tiin” China Forgein Minister nih an lungput an langhter. 

Ralkap nih uknak a lak caah India nih ralkap cu sual a phawt hna nain China nih sualphawtnak a chim loh; Phunghrampi ning tein a phi kawl uh tiin ralkap thazaang peknak a chim.VOA