Kawlram caah Good News Bak a Si Cang

Kum thar lawmhnak puai tuahnak ah Myanmar state councellor Daw Aung San Su Kyi nih cun tukum February thla thok in Myanmar ram Siizung riantuantu vialte cu Covid-19 Raikhamsii chunh dih ding in timhlamnak an ngei, tiah a chim. Aung San Suu Kyi nih cun,” India Cozah he min Sen thutnak zong kan ngei dih cang, India Cozah nih Raikhamsii hman khawhnak nawl a chuah sinin kan cawk colh lai, cun kan ram chung Siizung riantuantu vialte hi kan chunh hmasa hna lai,” tiah a chim.

A tu ah hin cun, kawlram Cozah lawng siloin vawleicung hmun khawika ram paoh nih Covid-19 ruang ah harnak phunphun an tong lio. Cu caah Raikhamsii ser cu an i hnawhnam lio a si. Hi pandemic lio ah hin Myanmar mipi cu Cozah nih phunglam a tuahmi zul cio ding in a sawm fawn hna. January ni 2 tiang ah khan Myanmar ranah Covid-19 zawtnak case 125,616 a um i, a dam cang mi 108,660 an um cang i, minung 2711 nih an thihpi cang.

Daw Aung San Suu Kyi nih cun an Cozah nih ngandamnak lei ah fakpi rian a tuan lai kong le ngandamnak phu (health department) lei ah tangka thap(invest) a herhnak kong zong a chim. A tulio ah ngandamnak lei i tangka a thap bikmi cu Thailand ram an si. Suu Kyi nih cun India sii sernak company le Israel company pawl cu Myanmar ram ah lut ding in a khunhpiuh cang hna i, raulo teah rian an tuan cang lai kong zong a chim fawn. A ra lai mi kum nga chung ah ngandamnak cu a biapi bik ah an chiah lai kong fiang tein a chim. Source : Myanmar Times