Khawkhan lairelnak sang bik Supreme court nih Central acoyah sin ah Khrihfa hna hna cung ah thlei dannak le tuartem nak report pek ding in theihter asi cang,
Khawkhan lairelnak sang bik Supreme court nih Central acoyah sin ah Khrihfa hna hna cung ah thlei dannak le tuartem nak report pek ding in theihter asi cang,
Sept 14, 2022: India ram ah khawkhan lairelnak sang bik, Supeme Court of India nih Ministry of Home Affairs (MHA) sin ah theihternak pek in, Khrihfa hna cung ah thleidannak phunphun phanter nak kong ah, Tlamtling tein report tling in thla 2 chung ah court ah theihter/submit ding in nawl apek, Most Rev Dr Peter Machado, Archbishop of Bangalore, National Solidarity Forum le Evangelical Fellowship of India hna nih, Khrihfa hna tihdudah tuar peng le an cung ah thleidan nak phunphun phan tawn mi cu, tawp/stop ter ding ah, Supreme Court-ah petition March 2022-ah anrak pek luh cang kha asi.
Supreme Court nih cun Sept 1 ah khan MHA hi theihternak pek asi, United Christian Forum-nih a tarlan ning ah, kum liam can 2021 chung hmanh ah khan Khrihfa hna an thuat tawnnak hi, vawi 500 leng aphan manh tiin tar la nasi, Supreme Court nih hearing a ngeih lai ah hin Justice (Justices- DY Chandrachud le Hima Kohli) hna nih cun, Ministry of Home Affairs sin ah Khrihfa hna cung ah thazang hmannak a phan tambik nak State 8- Bihar, Chhattisgarh, Jharkhand, Odisha, Karnataka, Madhya Pradesh, Uttar Pradesh le Haryana-hna ah, thil phan ning tlamtling tein report pek than ding in theihter asi.
Mah State 8 Chief Secretary hna nih hin Thla hnih chung in report tlamtling MHA -ah an theihter lai, MHA nih report hi Court hearing-ah chim fiannak angeih ve fawn laik hi asi, Hearing hi December 6, 2022-ah ngeih than ding asi, A.C. Michael, United Christian Forum, petetion pek luh tu chung ah pakhat nih cun, court order cu lawm umtuk khi asi tiin achim, Court-ah hin Document felfai mi le fiang ngai le thatuk in tuah mi he petition hi pek luh asi kong achim.
Jude Tice
Rinzen Baleng, Christian persecution watchdog, Open Doors zong nih, Court hmalaknak nih, Khrifa hna tuarnak phan tawn phunphun ah thei par tha achuah te lai tiah a beisei kong achim, India ram hi vawlei cung ah Khrihfa hna tihduhdah tuar bik ah 10-nak ah a um lio an ti, Supreme Court nih hin a dik in khawkhan lairelnak angeih khawhnak hnga le India ram ah Khrihfa hna tuarnak aphan cuah mah lio hi, azia um deuh khawhnak ding ah, thlacam in bawm peng hna u sih!
Christian Outlook Sources – The New Indian Express, Premiere Christian news
British Siangpahrang vuinak program ah Russia, Myanmar le Belarus hna hi sawm an si ve lo,
British Siangpahrang Nu Elizabeth II vuinak can hman ding ah, Reuters News Agency nih British Siangpahrang he anai bik cem mi pakhat sin in, thawngpang theih asi British lei nih cun Russia, Myanmar le Belarus hruaitu hna cu an sawm ve lo tiin, chim asi, September 13 ah khan tar lang a si, British Siangpahrang nu hi September 19, Monday ah hin vui asi lai tiah report ah langhter asi.
Great Britain nih thlanglei ram hna he ṭangrual in Russia he tangti mi pawl ram hna cu, vawlei politics stage in an paih/hlonh chuak asi, economic-zong ah hren an si, Rohingya community support tu Britain nih Myanmar Military Council zong economic ah an hren ve fawn khi asi, London-ah Queen vuinak khawmpi ah hin vawlei huap in mi pawimawh le Upat tihzah tlak asi mi hna minung 500 hrawng tel ding ah beisei asi, zahawm, Great Britain Siangpahrang nu thihnak nih hin vawlei ram dang dang hruaitu hna nih cun, Russia President Vladimir Putin-zong tel in tuarhpi nak message an kuat piak hna khi asi.