Kim Jong Un Tiang Nih Trump Cu Ca A Kuat Ve Cang.

US President Trump cu thawh chuah (breathing) lei ah harsatnak a ton ti langhter a si cang. Trump cu US ralkap special pawl zohkhenhnak sizung Walter Reed Hosipital ah covid -19 a zawtnak kong ah zoh khenh a si cang. Trump ruahnak petu Adviser nih a chim nig ah Trump cu thawchuahnak lei ah harnak a ton pah caah tuni khan Sizung ah chiah a si tiah a langhter.

Helicopter bak in Walter Reed Military Medical Center ah zohkhenh colh a si. White House in Helicopter in a chuah ah hin a kut in bye bye cu a tuah. Hi sizung ah hin ni zeimawzat cu um dawh a si. White House nih a langhter ning ah Trump nawlneihnak cu Vice President a simi Mike Pence sin ah a up lem rih lo. Trump fapa Eric zong nih apa Trump hi thlacam a acah piak i biatak tein raldoh mi paraltha tiah a thangthat. White House he aa naihniammi Ivank, Barron le jared Kushner belte an negative dih. Cun Joe Biden zong a negative ve.

North Korea uktu Kim Jong Un nih Trump cu a zaangfahnak le a siaherhnak cakuat cu a kuat ve. Kim Jong Un le Trump hi an ipehtlaihnak a tha ngai. Obama chan ah uico le chizawh bantuk an si nain. Trump he cun hawikom tha ah an i chuah. Tutan zong ah Trump ca a kuat ve. Hi kong hi fiang tein North Korean State Media KCNA nih a langhter. Tump cu Covid-19 ruang ah a zaw ve. US rampi President tiang hmanh tuluk virus ruang ah temtuarnak an ngei. Tutan ah North Korea Uktu sual tiah ti tawnmi Kim Jong Un hmanh nih Trump hi ca a kuat.

KCNA nih a langhter ning ahcun Kim Jong Un nih Donald Trump cu Coronovirus i a zawtnak in dam zok zok ding le tha tein dam tiang a duhnak a langhter tiah a taar. Trump lawng siloin a nupi Melania Trump zong tha tein dam dingin ruahchannak le seherhnak ca a kuat hna. “ An dam hrim hrim lai ‘ tiah a langhter rih.