Kum 1799 hrawng ah faktuk in ralpi achuah lio ah Napoleon-nih ahman tawn mi Sui Ngunhnam cu $ 2.8 million bak in zuar asi,

Napoleon Bonaparte-nih kum 1799-ah acoyah hlonh timh lio ah, ithuatnak ca ding ah anrak hman tawn mi Ngunhnam le hriamnam dang hna phun 5 hna cu, US-ah auction/ lilam nak ah US$ 2.8 million in an zuar tiah US auctioneer-hna nih cun Tuesday ah khan an phuan, Illinois-ah ahmunpi ngei in Rock Island Auction Company nih December 3 ah khan virtual hmang in an lilam mi asi, phone hmang in an lilam ah khan aduhtu sin ah an zuar timi kong le a cawktu sinak hi langhter asi lo tiah, company president Kevin Hogan nih cun achim.

Ngunhnam le pistol panga-hna man hi US$ 1.5-3.5 karlak asi, “US$ 2.87-in an zuar cang mi, Napoleon Garniture cawktu nih hin vawlei cung ah thil sunglawi bik mi atlunpi cang lai asi, tiin Hogan nih a chim Ngunhnam hi collection chung ah an rak sunglawituk mi thil asi tiah auctioneer-hna nih cun an chim, mah ngunhnam hi Versailles state arms factory director Nicolas-Noel Boutet kutchhuak asi, Emperor-ah chiah asi hnu ah, Napoleon nih khan a nguhhnam hi general Jean-Andoche Junot sin ah apek mi asi tiah thei asi, nain leiba chamnak caah general nupi nih hin mah ngunhnam cu arak zuar/ pek mi asi.

Mah hnu ah hin London museum-ah hmuhchuah than asi, a ngeitu hmahnung bik hi US mi, thil man sunglawi kawltwantu arak si, Naite ah khan arak thih tak ruang ah, zuar arak si kong cu auction house nih a chim, May thla ah khan France ram nih Napoleon a thihnak acam/anniversary kum 200-nak anrak lawm piak kha asi.